Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ April 25, 2005 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ March 7 rite April 25, 2005. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Nọ ma tẹ be ruẹrẹ oma kpahe kẹ ẹme, ẹvẹ ma sae rọ rehọ oria ẹme nọ a kẹ omai ru iruo ziezi, kọ fikieme onana u je wuzou? [be-IS ẹwẹ. 234 edhe. 1-3, ekpẹti]

2. Ẹvẹ eware nọ ma rẹ ta kpahe evaọ oria nọ a kẹ omai ẹme no ze na i re bu te? [be-IS ẹwẹ. 234 edhe. 4–ẹwẹ. 235 edhe. 1]

3. Ẹvẹ ma sae rọ rehọ enọ tẹzẹ ahwo re a lele omai tẹme evaọ odibọgba na? (Iruẹru 8:30) [be-IS ẹwẹ. 236 edhe. 2-5]

4. Ẹvẹ ma sae rọ rehọ enọ ro fiobọhọ kẹ emọ-uwuhrẹ Ebaibol re a rehọ “ẹgba iroro” rai ru iruo? (Rom 12:1, NW ) [be-IS ẹwẹ. 238 edhe. 1]

5. Ẹgba vẹ enọ nọ a nọ eva Rom 8:31, 32 gbe Aizaya 14:27 na i wo? [be-IS ẹwẹ. 239 edhe. 1-2]

Ẹme 1

6. Ẹvẹ ma sai ro ‘ru Kristi họ otọhotọ’ evaọ iruo ilele-iruo mai? (1 Kọr. 3:11) [be-IS ẹwẹ. 278 edhe. 1-2]

7. Nọ Jihova ọ rọ ogaga isuẹsu kẹ Ọmọ riẹ no evaọ 1914 na, eme ọ be lẹliẹ omai lẹ nọ, jọ ‘Uvie ra o ze’? (Mat. 6:9, 10) [be-IS ẹwẹ. 279 edhe. 4]

8. Fikieme o jẹ jọ oware isiuru kẹ Ileleikristi kpobi re a riẹ epanọ a re se obe, kọ ẹvẹ Jesu o ro fi oriruo họ otọ evaọ abọ nana? [w03-E 3/15 ẹwẹ. 10 edhe. 5; ẹwẹ. 12 edhe. 2]

9. Ẹvẹ oriruo Josaya gbe ọrọ Jesu ọ sai ro fiobọhọ kẹ izoge na wo ẹnyaharo abọ-ẹzi? [w03-E 4/1 ẹwẹ. 8 edhe. 3-4; ẹwẹ. 10 edhe. 3]

10. Fikieme ma jẹ sai fi eva họ Ọghẹnẹ? (Itẹ 3:5, 6) [w03-IS 11/1 ẹwẹ. 4 edhe. 6-7]

ISASE EBAIBOL ẸKPOKA

11. Fikieme Hana ọ rọ lẹ inọ Jihova ọ “rehọ ogaga kẹ ovie riẹ” kpakiyọ ovie ọ jọ Izrẹl oke yena ha? (1 Sam. 2:10)

12. Eme ma rẹ sai wuhrẹ no uzẹme na ze inọ a fi ahwo Izrẹl kparobọ dede nọ etehe-ọvọ na ọ jọ udevie rai? (1 Sam. 4:3, 4, 10)

13. Fikieme 1 Iruẹru-ivie 2:13-15 u ro dhesẹ Devidi wọhọ ọmọzae avọ ihrẹ Jẹsi, kpakiyọ 1 Samuẹle 16:10, 11 u dhesẹ i rie nnọ ọmọzae avọ eree?

14. ‘Ẹzi oyoma’ vẹ o je kpokpo Sọl? (1 Sam. 16:14)

15. Kọ eme eruẹaruẹ nọ ọbo-ẹva obọ Ẹndọ ọ ta inọ “Samuẹle” ọ ta na e gba? (1 Sam. 28:16-19)