Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ August 29, 2005 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ July 4 rite August 29, 2005. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Nọ ma tẹ be ta kpahe ẹruore mai kẹ amọfa, ẹvẹ ma sai ro ru re a riẹ omai wọhọ ahwo “nọ a re dhesẹ iroro,” kọ fikieme onana o jẹ roja? (Fil. 4:5, NW; Jem. 3:17) [be-IS ẹwẹ. 251 edhe. 1-3, ẹkpẹti]

2. Ẹvẹ ẹriẹ okenọ ma re ro dhesẹ iroro u re ro fi obọ họ kẹ omai yeri kugbe amọfa ziezi? [be-IS ẹwẹ. 253 edhe. 1-2]

3. Fikieme enọ nọ ma re ro ruiruo evaọ okenọ ma bi fi obọ họ kẹ amọfa re a roro kpahe ẹme jọ o jẹ roja? [be-IS ẹwẹ. 253 edhe. 3-4]

4. Re ma sae rọ ẹme mai tẹzẹ amọfa, eware vẹ ma re roro kpahe? [be-IS ẹwẹ. 255 edhe. 1-4, ẹkpẹti; ẹwẹ. 256 edhe. 1, ẹkpẹti]

5. Eme ma re wo họ iroro otẹrọnọ ma gwọlọ rehọ eme efa nọ e rọwo kugbe oware nọ Ikereakere na e ta rọ tha ẹme mai uke? [be-IS ẹwẹ. 256 edhe. 3-5, ẹkpẹti]

ẸME 1

6. Didi imuẹro ivevẹ i dhesẹ inọ ikuigbe uzuazọ Jesu ginọ uzẹme? [w03-E 6/15 ẹwẹ. 4-7]

7. Ẹvẹ ‘unu ahwo okiẹrẹe u re ro siwi ai,’ kọ ẹvẹ uwou ahwo okiẹrẹe u re ro “dikihẹ”? (Itẹ 12:6, 7) [w03-E 1/15 ẹwẹ. 30 edhe. 1-3]

8. Nọ a kere Ebaibol na wọhọ obe izi unọjọ utọjọ họ na, ẹvẹ ma sae rọ ‘riẹ oware nọ oreva Jihova o rrọ’? (Ẹf. 5:17) [w03-E 12/1 ẹwẹ. 21 edhe. 3–ẹwẹ. 22 edhe. 3]

9. Ehri-izi Ebaibol vẹ e rẹ sai fi obọ họ kẹ ohwo nọ o je thihakọ uvuhu hayo iyero egaga abọ-ugho efa? [w03-IS 8/1 ẹwẹ. 5 edhe. 2-5]

10. Ẹvẹ oriruo okẹ nọ a rẹ kẹ nevaze nọ Jihova o fihotọ u re kpomahọ omai? (Mat. 10:8) [w03-E 8/1 ẹwẹ. 20-22]

ISASE EBAIBOL ẸKPOKA

11. Evaọ unuẹthẹ etẹmpol nọ Solomọn ọ bọ na, eme edẹẹ ivẹ nọ a se nọ Jakin gbe Boaz na i dikihẹ kẹ? (1 Iv. 7:15-22)

12. Kọ ikpewho 20 evaọ ẹkwotọ Galili nọ Solomọn ọ rọ kẹ Hiram Ovie Taya wọhọ okẹ na o rọwo kugbe Uzi Mosis? (1 Iv. 9:10-13)

13. Eme ma rẹ sai wuhrẹ no aghẹmeeyo “ohwo Ọghẹnẹ” ze? (1 Iv. 13:1-25)

14. Evaọ edhere vẹ Asa ovie Juda o ro dhesẹ aruọwha riẹ, kọ eme ma rẹ sai wuhrẹ no oriruo riẹ ze? (1 Iv. 15:11-13)

15. Fikieme ọgbọ-ekakọ nọ Nebọt ọ se inọ ọ rẹ rọ kẹ Ehab ho na o gbẹ rrọ oware uzou-uveghe evaọ abọ Nebọt ho? (1 Iv. 21:2, 3)