Iwhowhovia

◼ Ebe nọ a ti fihọ ada evaọ September: A ti fi obe ọ Si Kẹle Jihova họ-ada. Whọ sae rehọ obe ọ Eruẹaruẹ Daniẹl hayo ibroshọ Wha Hai Rroro na ro nwene iei otẹrọnọ obe Si Kẹle Jihova na o gbẹ riẹ hẹ. October: A ti fi emagazini Uwou-Eroro Na gbe Awake! họ-ada evaọ amara na. Oria nọ whọ jọ duku isiuru, fi ibroshọ Gwọlọ na họ-ada, je zihe bru ahwo nọ who fi ibroshọ na họ-ada kẹ na avọ ẹjiroro emuhọ ebe-iwuhrẹ Ebaibol. November: Fi obe ọ Wuhrẹ Mi Owuhrẹ Ologbo Na họ ada. Otẹrọnọ ohwo jọ ọ ta nọ o wo emọ họ, fi obe ọ Eriariẹ hayo omobe-ovẹvẹ na Kọ Whọ Gwọlọ Riẹ Kpahe Ebaibol na Viere? họ ada. December: Ọzae nọ Ọ Mae Rro nọ Ọ Rria No. Enọ a sai ro nwene iei họ Obe Ikuigbe Ebaibol Mẹ hayo Whọ Sae Ria Bẹdẹ Bẹdẹ eva Aparadase ọ Otọakpọ.

◼ Uwou ogha na u re vi ebe se omomọvo ho. Jọ ọsẹro ukoko na ọ m’omaa re a hai ru owhowhovia kamara kamara taure ukoko na u te ti vi ayare ebe rai se uwou ogha na re ahwo kpobi nọ a gwọlọ vi ebe kẹ oma rai a sai wo uvẹ nọ a rẹ rọ vuẹ oniọvo nọ ọ be sẹro ebe na. Iviena wha wo ebe nọ e rrọ ayare-obọdẹ fihọ iroro.

◼ Ma be kareghẹhọ ekpako ukoko nnọ a nya lele ekpọvio nọ a kẹ evaọ ẹwẹ-obe avọ 21-23 ọrọ Uwou-Eroro ọ April 15, 1991 (ọrọ Oyibo), kpahe ohwo kpobi nọ a sino ukoko hayo ọnọ o si oma kpemu nọ ọ gwọlọ zihe ze.

◼ A te kẹ ovuẹ ogbotu obọdẹ rọkẹ ezi ọ Ekareghẹhọ 2006 na evaọ Ẹdoka, April 30. A ti whowho uzoẹme ovuẹ ogbotu na oke ofa. Ikoko nọ i wo iweze ọsẹro okogho, hayo okokohọ evaọ urere oka yena, a rẹ kẹ ovuẹ obọdẹ na evaọ oka nọ u lele i rie. Uvumọ ukoko o rẹ kẹ ovuẹ obọdẹ na taure Ẹdoka, April 30, 2006, o te ti te he.

◼ Compact Diski Ekpokpọ nọ I Wo Iwoho Ho nọ E Riẹ:

Iriruo Unuovẹvẹ Rọkẹ Edẹ Mai—Oyibo