Iwhowhovia
◼ Ebe nọ a ti fihọ ada evaọ January: A sai fi obe ewẹ-obe 192 kpobi nọ u kri no nọ ukoko rai u wo họ ada. Onọ a sai ro nwene iei: Ibroshọ Wha Hai Rroro! na. February: Obe ọ Si Kẹle Jihova a ti fihọ ada. Onọ a sai ro nwene iei: Obe kpobi nọ u kri no nọ o vọ owhai obọ. March: Fi obe okpokpọ na Eme Ebaibol na O Gine Wuhrẹ? họ ada. Daoma ziezi re whọ to ebe-iwuhrẹ Ebaibol họ. April and May: Fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, ku ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi kugbei. Tẹrovi efihada obe ọ Eme Ebaibol na O Gine Wuhrẹ? Whọ rẹ daoma gaga re whọ rọ obe na to obe-uwuhrẹ Ebaibol họ.
◼ Nọ amara April o wo urere-oka isoi na, ọ te jọ obọdẹ amara nọ a re ro ru ọkobaro obufihọ.
◼ Muhọ evaọ February, nọ u re lehie vrẹ March 5 ho, ovuẹ ogbotu okpokpọ kẹ esẹro okogho o te jọ “Whọ Sae Reawere Uzuazọ Udhedhẹ Enẹna Je Rite Bẹdẹ Bẹdẹ!”
◼ Ukere Awake! orọ isiane-ẹgbukpe oye ma be te hai kere evaọ ẹvẹrẹ Igbo gbe Yoruba enẹna, muhọ no uvitha January-March 2006 vrẹ.
◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Edesa-Oka, April 12, nọ ọre o te kiediwi no. Dede nọ a sae kaki mu ẹme na họ, ẹwọ ebrẹdi gbe udi na u re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Ukoko kpobi o rẹ daoma re ae ọvo a ru Ekareghẹhọ Emu Owọwọ rai. Dede na, orọnikọ ẹsikpobi onana o rẹ lọhọ họ. Oria nọ ikoko sa-sa e jẹ be jọ Ọgwa Uvie ọvo ru iwuhrẹ, ukoko ovo hayo bu viere a rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nnọ u re lehie te iminiti 40 re omaa ofa u te ti muhọ re uvẹ o jariẹ nọ a re ro yere erara, jẹ ta udu họ ahwo ọkpokpọ awọ, re ohwo kpobi o wo erere no Ekareghẹhọ na ze vọvọ. Wha re roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na o rẹ j’iroro eruẹrẹfihotọ nọ e mai kiehọ evaọ oborai.
◼ Oke kpobi nọ whọ tẹ gwọlọ kpohọ erẹ obọra yọ whọ gwọlọ kpohọ iwuhrẹ ukoko, okokohọ ọsese hayo ologbo evaọ ẹkwotọ ọfa, who re vi ayare ra rọkẹ evuẹ kpahe ẹdẹ, oke, gbe oria na bru uwou-ogha nọ o be rẹrote iruo evaọ ẹkwotọ ọyena. Adrẹse iwou-ogha e rrọ ẹwẹ-obe urere ọrọ Yearbook ọkpokpọ na.