Iwhowhovia

◼ Ebe nọ a ti fihọ ada evaọ April gbe May: Emagazini Uwou-Eroro Na gbe Awake! Okenọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi, tẹrovi efihada obe okpokpọ na Eme Ebaibol na O Gine Wuhrẹ? Who re fi ei họ ada avọ ẹjiroro obe-uwuhrẹ Ebaibol nọ whọ rẹ rehọ iẹe tohọ. June: Fi obe ọ Wuhrẹ Mi Owuhrẹ Ologbo Na họ ada. Otẹrọnọ ohwo na ọ ta nọ o wo emọ họ, fi obe ọ Evawere Uviuwou họ ada kẹe.

◼ Ikere-obe ukoko a re wo efọmo Application for Regular Pioneer Service (S-205) gbe Application for Auxiliary Pioneer Service (S-205b) buobu fihọ obọ. A rẹ sae yare enana evaọ Literature Request Form na (S-14). Daoma wo enọ i re te ro ruiruo evaọ ukpe soso. Taure wha te ti vi efọmo obe-ufihọ kẹ iruo ọkobaro oke-kpobi se uwou-ogha na, wha ruẹ nọ a kere eme fihọ iẹe gbagba ziezi.

◼ U fo re uwou-ogha na u wo okerefihotọ ọgbagba ọrọ adrẹse gbe inọmba ifonu esẹro ukoko gbe ikere-obe kpobi. Otẹrọnọ enwene jọ ọ riẹ, Ogbẹgwae Iruo Ukoko na a re kere, whobọhọ, je vi efọmo ọ Presiding Overseer/Secretary Change of Address (S-29) se uwou-ogha na ababọ oke oraha. Onana u kpomahọ inwene kpobi evaọ inọmba ifonu.

◼ Ikoko kpobi i re si obọ no uvitha Uwou-Eroro gbe Awake! ekpokpọ kẹ iwhowho-uvie nọ e tẹ nwani kpozi te owhai obọ no. Oyena u re fiobọhọ kẹ iwhowho-uvie na nọ a je se eme na riẹ ziezi taure a te ti fi emagazini na họ-ada evaọ usiuwoma ota. A re si obọ no Odibọgba Uvie Mai kẹ iwhowho-uvie re nọ e tẹ nwani kpozi. A sae ghale ae eva obọ Uwuhrẹ Obe Ukoko na.

◼ Uwou-ogha na u re vi ebe se omomọvo ho. Jọ ọsẹro ukoko na ọ m’omaa re a hai ru owhowhovia kamara kamara taure ukoko na u te ti vi ayare ebe rai kpobọ uwou-ogha na, re ahwo kpobi nọ a gwọlọ yare ebe k’oma rai a sai wo uvẹ rọ vuẹ oniọvo nọ ọ be sẹro ebe na. Iviena wha wo ebe nọ e rrọ ayare obọdẹ fihọ iroro.

◼ Eva May 27, 2006, a ti rovie Ebẹtẹle he. Fikiere, wha ziọ ughe-uriwo hayo ebe erehọ eva ẹdẹ nana ha.

◼ Iviena wha ru enwene nọ ọ rrọ obotọ na evaọ omaa uwuhrẹ orọ obe ọ Eme Ebaibol na O Gine Wuhrẹ? nọ o romavia evaọ ẹwẹ-obe avọ 6 orọ Odibọgba Uvie Mai ọrọ February 2006. OKA Ọ EME-OFIBA May 8 ẹwẹ. 200-201 May 29 ẹwẹ. 198-200 June 26 ẹwẹ. 209-211.