Iwhowhovia

◼ Ebe nọ a ti fihọ ada evaọ June: Fi obe ọ Wuhrẹ Mi Owuhrẹ Ologbo Na họ ada. Otẹrọnọ ohwo na ọ ta nọ o wo emọ họ, fi obe ọ Evawere Uviuwou họ ada kẹe. July and August: A rẹ sai fi ibroshọ ewẹ-obe 32 enana jọ họ ada: Edhere nọ O Re Su Kpohọ Uzuazọ Ebẹdẹ Bẹdẹ, Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei? Eme Ọ rẹ Via k’Omai Okenọ Ma te Whu?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te whu, Reawere Uzuazọ Otọakpọ Bẹdẹ Bẹdẹ!, Rr! Me Bi Ru Eware Kpobi Fihọ Ekpokpọ, Wha Hai Rroro!, gbe Whọ Rẹ Sae Jọ Ogbẹnyusu Ọghẹnẹ. September: A ti fi obe ọ Ebaibol Wuhrẹ na họ ada. Daoma ziezi re whọ to obe-uwuhrẹ Ebaibol họ evaọ iweze ọsosuọ na. Zihe bru ahwo kpobi nọ who fi obe na họ ada kẹ avọ iroro obe-uwuhrẹ Ebaibol nọ whọ rẹ tohọ.

◼ Nọ amara July o wo urere-oka isoi soso na, o te jọ obọdẹ amara kẹ ọkobaro obufihọ.

◼ Otẹrọnọ whọ gwọlọ rehọ orẹwho nọ a jọ whaha iruo Isẹri Jihova ro kperẹ, whọ rẹ vuẹ ugboma ekpako ukoko ra re a kere se uwou ogha nọ o rrọ orẹwho yena kẹ evuẹ kpahe orẹwho na. Uwou ogha na u ti kere ze kpahe epanọ eware e rrọ evaọ obei, epanọ whọ sai ro te obei, gbe epanọ whọ te sae rọ nyate ẹgwọlọ abọ-ẹzi ra nọ whọ te jọ obei na.

◼ Re o sae lọhọ kẹ uwou ogha na se ileta ra gboja, u fo re who ru eware obotọ na: (1) Kere odẹ gbe adrẹse ra fihọ obọze obehru ileta ra. (2) Whobọhọ obọ ekuhọ ileta ra nọ who te kere iei no, je kere odẹ ra họ otọ oria nọ whọ whobọhọ na keme ma sai ti se hayo wo otoriẹ obọ-whẹhọ ra ha. Ma re se ileta nọ a whobọhọ họ hayo kere odẹ fihọ họ gboja ha fikinọ ma fi eva họ ai hi. Otẹrọnọ etapraeta hayo ekọmputa who ro kere ileta ra, who du kere odẹ ra fihọ obotọ riẹ ọvo ho, keme omọfa ọ sae rehọ ẹjini kere ileta o ve kere odẹ ra fihọ obọ ukuhọ riẹ. U fo re whọ whobọhọ ehru odẹ nọ whọ kere na. Taure who te vi ileta kpobi se uwou ogha, iviena kiẹe riwi ziezi re whọ ruẹ nọ eware nọ ma tẹme te evaọ obehru na who ru rai gba.