Iwhowhovia
◼ Ebe nọ a ti fihọ ada evaọ July gbe August: A rẹ sai fi ibroshọ ewẹ-obe 32 enana jọ họ ada: Edhere nọ O Re Su Kpohọ Uzuazọ Ebẹdẹ Bẹdẹ, Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei? Eme Ọ rẹ Via k’Omai Okenọ Ma te Whu?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te whu, Reawere Uzuazọ Otọakpọ Bẹdẹ Bẹdẹ!, Rr! Me Bi Ru Eware Kpobi Fihọ Ekpokpọ, Wha Hai Rroro!, gbe Whọ Rẹ Sae Jọ Ogbẹnyusu Ọghẹnẹ. September: A ti fi obe ọ Ebaibol Wuhrẹ na họ ada. Daoma ziezi re whọ to obe-uwuhrẹ Ebaibol họ evaọ iweze ọsosuọ na. Zihe bru ahwo kpobi nọ who fi obe na họ ada kẹ avọ iroro obe-uwuhrẹ Ebaibol nọ whọ rẹ tohọ. October: Fi emagazini Uwou-Eroro Na gbe Awake! họ ada. Eva oria nọ a jọ dhesẹ isiuru, iviena fi ibroshọ Wha Hai Rroro na họ ada.
◼ Muhọ no amara September vrẹ, esẹro okogho a te kẹ ovuẹ ogbotu nọ uzoẹme riẹ o rrọ “Didi Edikihẹ Who Wo Kugbe Ọghẹnẹ?”
◼ Muhọ no oka ọ January 8, 2007 rite oka ọ February 19, 2007, ma ti wuhrẹ ibroshọ na Eme Họ Ẹjiroro Uzuazọ? Ẹvẹ Whọ Sai Ro Duku Ei? eva Uwuhrẹ Obe Ukoko. Jọ ukoko kpobi u vi enọ i re te ai ro ruiruo ziezi taure oke na u te ti te.
◼ Ma gwọlọ nọ wha hai vi obe nọ ohwo o kere be rọ yare iruo ọkobaro oke-kpobi se uwou ogha o tẹ kawo edẹ 30 taure ẹdẹ nọ ohwo na o ti ro muhọ na o te ti te. Okere-obe ukoko na ọ rẹ kiẹ efọmo na riwi sọ a kere eme na gba. Otẹrọnọ ohwo nọ o bi fi obe họ na ọ gbẹ kareghẹhọ ugogo ẹdẹ nọ ọ rọ họ-ame he, a re roro ẹdẹ jọ nọ ọ kẹle riẹ, a ve kere oyena fihọ otọ. Okere-obe ukoko na o re kere ẹdẹ nana fihọ Congregation’s Publisher Record (ekade Iruo Owhowho-Uvie Ukoko) (S-21).
◼ Okere-obe ukoko o re muẹrohọ inọ ekobaro kpobi nọ e rrọ ukoko rai a wo Ileta nọ a rẹ rọ rehọ ohwo mu ọkobaro na (S-202). Otẹrọnọ a gbe wo ileta na ha, iviena wha kere se uwou ogha.
◼ A re ru ekele ẹsiẹvo-ẹgbukpe ọrọ ebe gbe emagazini nọ e rrọ ukoko na eva August 31, 2006, hayo oke ofa nọ o kẹle riẹ ziezi. Ikelakele nana o wọhọ onọ ọsẹro ebe na o re ru kamara kamara na, a ve kere unu rai fihọ efọmo ọ Literature Inventory (S-18) na. A rẹ riẹ unu emagazini kpobi nọ a wo mi esẹro emagazini nọ e rrọ ukoko ovuovo evaọ utu ebe Ọgwa Uvie na. Okere-obe ukoko ẹruọsa na ọ rẹ rọ ẹro te ekele na. Ọye omariẹ avọ ọsẹro ukoko ọrọ ukoko ẹruọsa na a rẹ whobọhọ efọmo na. Efọmo ọ Literature Inventory esa i ti te ukoko ẹruọsa kpobi nọ o be sẹro ebe kẹ utu ebe Ọgwa Uvie obọ. Iviena vi ọrọ ọsosuọ na se Society, u re lehie vrẹ September 6 hi. Fi ọrọ avivẹ họ efale ukoko rai. A rẹ sae rehọ ọrọ avesa na ruiruo wọhọ obe iruo.
◼ Ma bi vi Literacy Report (obe iyẹrẹ isukulu ọriẹse gbe ọriẹkere) ivẹ se ukoko kpobi. Nọ wha te kere eme fihọ ae gbagba no, iviena wha vi ọvo jọ zihe se uwou ogha eva August 1. Wha ve fi ọrọ avivẹ na họ efale ukoko rai.