Ọkiẹkpemu Isukulu Odibọgba Esuo-Ọghẹnẹ

A te kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ February 26, 2007 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ January 1 rite February 26, 2007. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Okevẹ u fo nọ ma rẹ rọ fodẹ efihiruo ẹme nọ ma bi ru, kọ oghẹrẹ vẹ ma rẹ rọ tae? [be-IS ẹwẹ. 158 edhe. 2-4]

2. Fikieme u ro wuzou re ma fi obọ họ kẹ amọfa ruẹ erere ẹme nọ ma be ta, kọ ẹvẹ ma sai ro ru ere? [be-IS ẹwẹ. 159 edhe. 3-4]

3. Fikieme ẹsalọ oghẹrẹ eme u je wuzou? [be-IS ẹwẹ. 160]

4. Eme o re fi obọ họ k’omai rehọ oghoghẹrẹ eme ruiruo gbagba? [be-IS ẹwẹ. 161 edhe. 5-6; ẹwẹ. 162 edhe. 1, 4]

5. Irere jọ vẹ e rrọ ẹme nọ whọ rẹ ta no omaa ẹmeọta nọ whọ riẹ fihọ uzou hayo onọ who kere ze? [be-IS ẹwẹ. 166 edhe. 1-3]

ẸME. 1

6. Ẹvẹ a rẹ rọ ruẹrẹ oma kpahe kẹ ẹme isase? [be-IS ẹwẹ. 43 edhe. 2, 4]

7. Eme ọ roja re ma sae you oware uwoma je mukpahe oware uyoma evaọ aro orokele Jihova? (Hib. 5:14) [w05-IS 1/1 ẹwẹ. 21 edhe. 11]

8. Eme u fo nọ ma rẹ kareghẹhọ nọ ma tẹ jọ Ebaibol na se oware jọ nọ o be lẹliẹ omai roro sọ Ọghẹnẹ ọ riẹ ru hu? [w05-IS 2/1 ẹwẹ. 28 edhe. 7]

9. Eme ma re ru otẹrọnọ izi ahwo-akpọ e wọso izi Ọghẹnẹ? [w05-IS 5/1 ẹwẹ. 6 edhe. 9]

10. Eme o wọhọ nọ ‘iwou’ nọ a tẹme te evaọ Aizaya 26:20 na i dikihẹ kẹ nẹnẹ, kọ erere vẹ ma bi wo no ai ze? [w01-IS 3/1 ẹwẹ 31 edhe. 17]

ISASE EBAIBOL ẸKPOKA

11. Eme họ “oware nọ a fi ruru” gbe “ubere” nọ a fodẹ evaọ obe Aizaya 25:7 na?

12. Ẹvẹ ahwo a sae rọ “ruẹ” je “yo” ẹme Jihova? (Aiz. 30:20, 21)

13. Uzẹme hayo Ọrue: Isiuru kẹ ọtọwẹ oye o wọ Hẹzikaya lẹ olẹ nọ a kere fihọ Aizaya 38:3 na.

14. Ẹvẹ emọ Izrẹl a sae rọ jọ isẹri Jihova, kọ ẹvẹ ma sae rọ raro kele ai? (Aiz. 43:10)

15. Rọwokugbe eme eruẹaruẹ nọ a kere fihọ Aizaya 52:11, 12, eme o gwọlọ re a “wọ ekuakua ỌNOWO na”?