Iwhowhovia

◼ Ebe nọ a ti fihọ ada evaọ April gbe May: A ti fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi, tẹrovi efihada obe ọ Ebaibol Wuhrẹ na, avọ ẹjiroro obe-uwuhrẹ Ebaibol nọ whọ rẹ tohọ. June: Fi obe ọ Wuhrẹ Mi Owuhrẹ Ologbo Na hayo Evawere Uviuwou họ ada.

◼ Ma ti kere eria Ikokohọ Ubrotọ “Lele Kristi” erọ 2007 na fihọ Odibọgba Uvie Mai ọfa.

◼ Ikere-obe ukoko a re wo efọmo Application for Regular Pioneer Service (S-205) gbe Application for Auxiliary Pioneer Service (S-205b) buobu fihọ obọ. A rẹ sae yare enana evaọ Literature Request Form na (S-14). Daoma wo enọ i re te ro ruiruo evaọ ukpe soso. Taure wha te ti vi efọmo obe-ufihọ kẹ iruo ọkobaro oke-kpobi se uwou-ogha na, wha ruẹ nọ a kere eme fihọ iẹe gbagba ziezi.

◼ U fo re uwou-ogha na u wo okerefihotọ ọgbagba ọrọ adrẹse gbe inọmba ifonu esẹro ukoko gbe ikere-obe kpobi. Otẹrọnọ enwene jọ ọ riẹ, Ogbẹgwae Iruo Ukoko na a re kere, whobọhọ, je vi efọmo ọ Presiding Overseer/Secretary Change of Address (S-29) se uwou-ogha na ababọ oke oraha.

◼ Oke kpobi nọ whọ tẹ gwọlọ kpohọ erẹ omobọ ra yọ whọ gwọlọ kpohọ iwuhrẹ ukoko, hayo okokohọ evaọ ẹkwotọ ọfa, who re vi ayare ra rọkẹ evuẹ kpahe ẹdẹ, oke, gbe oria na se uwou-ogha nọ o be rẹrote iruo na evaọ ẹkwotọ ọyena. Adrẹse iwou-ogha e rrọ ẹwẹ-obe urere ọrọ Yearbook ọkpokpọ na.

◼ Uzoẹme ovuẹ ogbotu obọdẹ rọkẹ ezi Ekareghẹhọ 2007 na họ “Udu O rẹ Sai Kie Owhẹ Vi Evaọ Akpọ Idabolo Nana!” Rri owhowhovia nọ o kie kpahe onana evaọ Odibọgba Uvie Mai ọrọ October 2006.