Iwhowhovia

◼ Ebe nọ a ti fihọ ada evaọ May: A ti fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi, tẹrovi efihada obe ọ Ebaibol Wuhrẹ na, avọ ẹjiroro obe-uwuhrẹ Ebaibol nọ whọ rẹ tohọ. June: Fi obe ọ Wuhrẹ Mi Owuhrẹ Ologbo Na hayo Evawere Uviuwou họ ada. July gbe August: A rẹ sai fi ibroshọ ewẹ-obe 32 enana jọ họ ada: Edhere nọ O Re Su Kpohọ Uzuazọ Ebẹdẹ Bẹdẹ, Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei? Eme Ọ rẹ Via k’Omai Okenọ Ma te Whu?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te whu, Reawere Uzuazọ Otọakpọ Bẹdẹ Bẹdẹ!, “Rri! Me Bi Ru Eware Kpobi Fihọ Ekpokpọ,” Wha Hai Rroro!, gbe Whọ Rẹ Sae Jọ Ogbẹnyusu Ọghẹnẹ.

◼ Unevaze kẹ iruo akpọ-soso na nọ a rọ echẹke ru evaọ ikokohọ ilogbo gbe enọ a re vi se uwou ogha a re kere fihọ ai inọ, a wha ugho na kẹ “Watch Tower Society.”

◼ Jọ Igboma ekpako a kiẹ ileta ọ July 6, 2006, nọ o ta kpahe omaruẹrẹkpahe kẹ okpẹtu na re a jẹ ruẹ nọ a wo adrẹse oria nọ iwhowho-uvie ukoko rai a rrọ enẹna gbe inọmba ifonu rai. Evaọ eria nọ eware nọ e rẹ sae wha okpẹtu ze e rrọ, u fo re ekpako na a wo adrẹse hayo inọmba ifonu imoni ahwo ukoko rai nọ e rrọ eria efa nọ a rẹ sae dhẹ kpohọ nọ okpẹtu ọ tẹ via. Evaọ uzẹme, u te no fiki eware idudhe nọ e rẹ via no, u re fiobọhọ nọ iwhowho-uvie a tẹ vuẹ ọsẹro Uwuhrẹ Obe Ukoko rai hayo ọkpako ọfa otẹrọnọ a ti kpohọ erẹ nọ a te jọ rria krẹkri, kpohọ ẹsipito kẹ usiwo, gbe itieye efa.