Iwhowhovia

◼ Ebe nọ ma ti fihọ ada evaọ February: Obe ọ Is There A Creator Who Cares About You hayo Edidi Evawere Uviuwou. March: Fi obe ọ Eme Ebaibol na O Gine Wuhrẹ? họ ada. Daoma ziezi re whọ to ebe-iwuhrẹ Ebaibol họ. April gbe May: Fi emagazini Uwou-Eroro Na gbe Awake! họ ada. Ma te daoma ziezi re ma weze bru ahwo nọ a dhesẹ isiuru nọ e ziọ Ekareghẹhọ na gbe enọ e nyaze te gaviezọ kẹ ovuẹ ogbotu obọdẹ na rekiyọ a ri kuomagbe ukoko na ha. Ẹjiroro iweze itieye na o rẹ jọ re ma to obe-uwuhrẹ Ebaibol họ kugbe ahwo nọ a re jẹ obe-uwuhrẹ Ebaibol rehọ vẹre he.

◼ Nọ amara March o wo urere-oka isoi na, o te jọ obọdẹ amara nọ a re ro ru ọkobaro obufihọ.

◼ Okere-obe gbe ọsẹro usiuwoma ota a rẹ kiẹ iruo ekobaro oke-kpobi riwi. Otẹrọnọ ejọ i bi wo ẹbẹbẹ evaọ ẹnyate unu euwa nọ a gwọlọ na, jọ ekpako na a ru ọruẹrẹfihotọ re a fiobọhọ kẹ ae.

◼ Uzoẹme ovuẹ ogbotu obọdẹ rọkẹ ezi Ekareghẹhọ 2008 na họ “Ono O Te Nọ O Re Su Ahwo-Akpọ?” Rri owhowhovia nọ o kie kpahe onana evaọ Odibọgba Uvie Mai ọrọ September 2007.