Iwhowhovia

◼ Ebe nọ ma ti fihọ ada evaọ March: Fi obe ọ Eme Ebaibol na O Gine Wuhrẹ? họ ada. Daoma ziezi re whọ to ebe-iwuhrẹ Ebaibol họ. April gbe May: Fi emagazini Uwou-Eroro Na gbe Awake! họ ada. Ma te daoma ziezi re ma weze bru ahwo nọ a dhesẹ isiuru nọ e ziọ Ekareghẹhọ na gbe enọ e nyaze te gaviezọ kẹ ovuẹ ogbotu obọdẹ na rekiyọ a ri kuomagbe ukoko na ha. Ẹjiroro iweze itieye na o rẹ jọ re ma to obe-uwuhrẹ Ebaibol họ kugbe ahwo nọ a re jẹ obe-uwuhrẹ Ebaibol rehọ vẹre he. June: Gọ Ọghẹnẹ Uzẹme Ọvo Na.

◼ Ikoko kpobi i re si obọ no uvitha Uwou-Eroro gbe Awake! ekpokpọ kẹ iwhowho-uvie nọ e tẹ nwani kpozi te owhai obọ no. Onana u re fi obọ họ kẹ iwhowho-uvie na nọ a je se ai jẹ riẹ eware nọ e rrọ eva rai ziezi taure a te ti fi emagazini na họ-ada.

◼ Ohwo jọ nọ ọsẹro ukoko na ọ ta kẹ ọ rẹ kiẹ igho ukoko na nọ a wo evaọ amara ọ December, January, gbe February riwi. Orọnikọ omọvo na ọ rẹ kiẹ igho na riwi k’emerae esa k’emerae esa ha, omọfa o re nwene iei. Nọ a tẹ kiẹ igho na riwi no, a ve whowho iei kẹ ukoko na nọ a te se iyẹrẹ epanọ igho e nya n’otha na no.—Rri Instructions for Congregation Accounting (S-27).

◼ Uzoẹme okokohọ ubrotọ ọrọ 2008 họ “Jọ Ẹzi Ọghẹnẹ Ọ Kpọ Owhẹ.” Ma te jọ Odibọgba Uvie Mai ọrọ April kẹ evuẹ kpahe okokohọ na nọ i ti fi obọ họ k’owhẹ ma omaa epanọ whọ rẹ rọ jariẹ no emuhọ rite ekuhọ evaọ edẹ esa okokohọ na. O tẹ gwọlọ nọ who re mi uvẹ evaọ oria iruo ra re whọ sai kpohọ okokohọ na evaọ edẹ esa na, iviena whọ raha oke he re who te ru ere.

◼ Uzoẹme ovuẹ ogbotu obọdẹ rọkẹ ezi Ekareghẹhọ 2008 na họ “Ono O Te Nọ O Re Su Ahwo-Akpọ?” Rri owhowhovia nọ o kie kpahe onana evaọ Odibọgba Uvie Mai ọrọ September 2007.

◼ Wha tẹ nwani ru Ekareghẹhọ na no, wha rehọ Memorial Report (S-7) na hayo ileta ro vi unu ahwo nọ a ziọ Ekareghẹhọ na gbe unu nọ e re jẹ da se uwou ogha. Otẹrọnọ ikoko sa-sa a kuomagbe ru Ekareghẹhọ na, odẹ ukoko ovo a re ro vi unu ahwo nọ a ziọ Ekareghẹhọ na, a ve kere edẹ ikoko nọ i kuomagbe na kpobi fihọ iẹe.

◼ Wọhọ ekareghẹhọ, u fo nọ ikoko kpobi a rẹ jọ uwou ogha riẹ kpahe oke nọ iwuhrẹ rai e te jọ no umuọ January 1, 2008 vrẹ. Rekọ otẹrọnọ wha ri ru ere he, jọ okere-obe ukoko na o ru ere vẹrẹ ẹkwoma ekade ọ Congregation Meeting Information (S-5) nọ o re kere eme fihọ, o ve vi ei kpobọ uwou ogha. Ma vi ekade (S-5) ivẹ se ukoko kpobi rọkẹ ẹjiroro nana.

◼ Muhọ no oka ọ August 4, 2008 vrẹ, ma ti wuhrẹ obe na Edidi Evawere Uviuwou eva Uwuhrẹ Obe Ukoko. Jọ ukoko kpobi u vi enọ a gwọlọ taure oke na u te ti te.