Iwhowhovia
◼ Ebe nọ ma ti fihọ ada evaọ June: Gọ Ọghẹnẹ Uzẹme Ọvo Na. July gbe August: A rẹ sai fi ibroshọ ewẹ-obe 32 enana jọ họ ada: Edhere nọ O Re Su Kpohọ Uzuazọ Ebẹdẹ Bẹdẹ, Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei? Eme Ọ rẹ Via k’Omai Okenọ Ma te Whu?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te whu, Reawere Uzuazọ Otọakpọ Bẹdẹ Bẹdẹ!, Rr! Me Bi Ru Eware Kpobi Fihọ Ekpokpọ, Wha Hai Rroro!, gbe Whọ Rẹ Sae Jọ Ogbẹnyusu Ọghẹnẹ! September: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. Nọ ohwo nọ whọ be ta ẹme kẹ o te wo obe nana no vẹre, dhesẹ epanọ ọ sai ro wo erere no obe na ze ẹkwoma epanọ a rẹ rọ rehọ iẹe ru uwuhrẹ nọ who re dhesẹ kẹe.
◼ Nọ amara ọ August o wo urere-oka isoi na, o te jọ obọdẹ amara nọ a re ro ru ọkobaro obufihọ.
◼ Ohwo jọ nọ ọsẹro ukoko na ọ ta kẹ ọ rẹ kiẹ igho ukoko na nọ a wo evaọ amara ọ March, April gbe May riwi. Nọ a tẹ kiẹ igho na riwi no, a ve whowho iei kẹ ukoko na nọ a te se iyẹrẹ epanọ igho e nya n’otha na no.—Rri Instructions for Congregation Accounting (S-27).
◼ Ma gwọlọ nọ wha hai vi obe nọ ohwo o kere be rọ gwọlọ ro iruo ọkobaro oke-kpobi se uwou ogha o tẹ kawo edẹ 30 taure ẹdẹ nọ ohwo na o ti ro muhọ na o te ti te. Okere-obe ukoko na ọ rẹ kiẹ efọmo na riwi sọ a kere eme na gba. Otẹrọnọ ohwo nọ o bi fi obe họ na ọ gbẹ kareghẹhọ ugogo ẹdẹ nọ ọ rọ họ-ame he, a re roro ẹdẹ jọ nọ ọ kẹle riẹ, a ve kere oyena fihọ otọ. Okere-obe ukoko na o re kere ẹdẹ nana fihọ Congregation’s Publisher Record (ekade Iruo Owhowho-Uvie Ukoko) (S-21).
◼ Anwọ January 2008, ma be hai fi Uwou-Eroro Na gbe Awake! erọ ẹvẹrẹ Oyibo gbe Spanish nọ a se lahwe fihọ Evie-Evuẹ mai www.jw.org evaọ Itanẹte. O be mae were ahwo buobu re a kpohọ Evie-Evuẹ mai nyae rekọdo eme emagazini na, keme ukoko u re fi ae họ etẹe no taure enọ a bi vi se ikoko i te te ai obọ. Oke kpobi nọ ohwo o te kpohọ Evie-Evuẹ na nyae rekọdo eme, u wo unuigho nọ ekọmpene nọ e be rẹrote Itanẹte a re mi ukoko. Rekọ onana u ku vi unuigho nọ ma rẹ raha ro kporo eme fihọ idiski je vi ai se ikoko na. Fikiere, ma be tuduhọ inievo nọ e be hai kpohọ Evie-Evuẹ mai nyae rekọdo eme emagazini mai inọ a ta kẹ oniọvo nọ ọ be rẹrote ebe ukoko rai re o si odẹ rai no usu ahwo nọ ukoko u re vi idiski itieye na se. Nọ oke o be nyaharo na, ma ti fi emagazini evẹrẹ efa ba enọ ma be rekọdo fihọ Evie-Evuẹ Itanẹte mai na www.jw.org.
◼ Iviena wha muẹrohọ nọ ma ti wo obe-uzizie obọdẹ nọ ma ti ro whowho okokohọ ubrotọ 2008 na ha. Rekọ ma bi ru ọruẹrẹfihotọ jọ nọ ma ti ro zizie ahwo kẹ okokohọ na wariẹ akpọ-soso họ kẹle na. Ma te kẹ owhai evuẹ efa kpahe ọruẹrẹfihotọ nana oke ofa.
◼ Ẹsejọhọ wha muẹrohọ inọ evaọ Eria Okokohọ Ubrotọ 2008/2009 nọ a fihọ Odibọgba Uvie Mai ọrọ April 2008 na, a dhesẹ nọ ikokohọ Uyo gbe Badagry i ti muhọ evaọ October 3-5 gbe October 10-12. Iviena wha muẹrohọ inọ ikokohọ Badagry gbe Uyo i ti muhọ evaọ September 26-28.