Ọkiẹkpemu Isukulu Odibọgba Esuo-Ọghẹnẹ

A te kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ August 25, 2008 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva oka ọ July 7 rite August 25, 2008.

EKWAKWA ẸMEỌTA

1. Ẹvẹ ma sai ro dhesẹ ororokẹ nọ ma te bi wuhrẹ amọfa uzẹme na? (Fil. 4:5) [be-IS ẹwẹ. 251 edhe. 3]

2. Ẹvẹ oriruo oghẹrẹ nọ Pọl ọ rọ t’ẹme kẹ ahwo Griki eva Arẹopagọs o sai ro fi obọ họ kẹ omai nọ ma tẹ be ta usiuwoma kẹ ahwo nọ a jẹ Ebaibol na rehọ wọhọ obe nọ a re fi eva họ họ? (Iruẹru 17:22, 23) [be-IS ẹwẹ. 252 edhe. 1-2]

3. Nọ ohwo nọ ma be ta ẹme kẹ ọ tẹ make kpahe ẹme nọ ọ thọ, ẹvẹ ma sai ro dhesẹ nnọ ma wo iroro evaọ oghẹrẹ nọ ma te rọ kpahe ẹme kẹe? [be-IS ẹwẹ. 253 edhe. 1-2]

4. Nọ ma be daoma re ma ta ẹme oghẹrẹ nọ ahwo a rẹ rọ rọwo ẹme mai na, eme ma re wo họ iroro? [be-IS ẹwẹ. 255 edhe. 3, Ẹkpẹti]

5. Ẹvẹ orimuo ọ sai ro fi obọ họ k’omai nọ ma be daoma re ẹme mai ọ nyate udu ahwo nọ ma be ta ẹme kẹ? (Itẹ 20:5) [be-IS ẹwẹ. 258 edhe. 1-ẹwẹ. 259 edhe 1]

ẸME 1

6. Nọ a tẹ kẹ inievo-emetẹ ẹme nọ o gwọlọ oghẹrẹ ẹkeria-ẹmeọta jọ, eme a re wo họ iroro? [be-IS ẹwẹ. 44 edhe. 5-6]

7. Eme ọ rẹ jọ utee inievo-emezae nọ i bi ru oruvẹ Ebaibol? (Neh. 8:8) [be-IS ẹwẹ. 47 edhe. 2-3]

8. Ẹvẹ oniọvo-ọmọzae o re ru ẹme nọ ọ gwọlọ odhesẹvia hayo ọkiẹriwo evaọ Ewuhrẹ Odibọgba? [be-IS ẹwẹ. 49 edhe. 5]

9. Ẹvẹ obe Iruẹru Ikọ Na u ro fielo họ oghẹrẹ nọ a rẹ rọ ta usiuwoma na gbe epanọ a rẹ tae kẹre te? (Iruẹru 20:20, 21; 28:23) [si-E ẹwẹ. 204 edhe. 35]

10. Eme ohwo nọ ọ rẹ kẹ ovuẹ ogbotu o re ru rọ ruẹ nọ Ebaibol na họ otọhotọ ẹme riẹ? (Iruẹru 17:2, 3) [be-IS ẹwẹ. 52 edhe. 6–ẹwẹ. 53 edhe. 2]

ISASE EBAIBOL ẸKPOKA

11. Fikieme oriekarọ Filipai ọ rọ gwọlọ “kpe oma riẹ” no? (Iruẹru 16:25-27) [w90-E 5/15 ẹwẹ. 25, ẹkpẹti]

12. Eme Aristakọs avọ Gayọs a ru nọ a rẹriẹ ovao ku ukpokpoma? (Iruẹru 19:29; 20:4, 5) [w08-IS 2/15 ẹwẹ. 10 edhe. 16-17]

13. Eme họ otofa ẹme na inọ Sọl o je “fi owọ dhe ubioja”? (Iruẹru 26:14, NW) [w03-IS 10/1 ẹwẹ. 32]

14. Ẹvẹ uzioraha o rọ rehọ fiki ujaje nọ Ọghẹnẹ ọ kẹ emọ Izrẹl ro mi uvẹ nọ u re ro ru iruo? (Rom 7:8, 11) [w08-IS 6/15 “Ẹme Jihova Ọ Rrọ Uzuazọ—Oruvẹ no Obe-Ovuẹ nọ A Kere Se Ahwo Rom Ze”]

15. Ẹvẹ ma re ro “kru ẹkuerae” họ uzou ọwegrẹ? (Rom 12:20) [w08-IS 6/15 “Ẹme Jihova Ọ Rrọ Uzuazọ—Oruvẹ no Obe-Ovuẹ nọ A Kere Se Ahwo Rom Ze”]