Iwhowhovia

◼ Ebe nọ ma ti fihọ ada evaọ September: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. Nọ ohwo nọ whọ be ta ẹme kẹ o te wo obe nana no vẹre, dhesẹ epanọ ọ sai ro wo erere no obe na ze ẹkwoma epanọ a rẹ rọ rehọ iẹe ru uwuhrẹ nọ who re dhesẹ kẹe. October: Emagazini Uwou-Eroro Na gbe Awake! Nọ ohwo na o te dhesẹ isiuru, kẹe omobe-ovẹvẹ na Kọ Whọ Gwọlọ Riẹ Kpahe Ebaibol na Viere? jẹ tẹme kpahe iẹe avọ utee ẹtohọ uwuhrẹ Ebaibol. November: Eme Ebaibol na O Gine Wuhrẹ? Daoma ziezi re whọ to obe-uwuhrẹ Ebaibol họ. December: Fi obe ọ Ọzae nọ Ọ Mae Rro nọ Ọ Rria No họ ada. Otẹrọnọ ohwo na ọ ta nọ o wo emọ esese, fi obe ọ Wuhrẹ Mi Owuhrẹ Ologbo Na họ ada kẹe.

◼ Nọ amara ọ November o wo urere-oka isoi na, ọ te jọ obọdẹ amara nọ a re ro ru ọkobaro obufihọ.

◼ A te kẹ ovuẹ ogbotu obọdẹ rọkẹ ezi Ekareghẹhọ 2009 na evaọ oka nọ o rọ April 20, 2009 muhọ. A ti whowho uzoẹme ovuẹ ogbotu na oke ofa. Ikoko nọ i wo iweze ọsẹro okogho, hayo okokohọ evaọ urere oka yena, a rẹ kẹ ovuẹ obọdẹ na evaọ oka nọ u lele i rie. Uvumọ ukoko o rẹ kẹ ovuẹ obọdẹ na taure oka ọ April 20 na o te ti te he.

◼ Ohwo jọ nọ ọsẹro ukoko na ọ ta kẹ ọ rẹ kiẹ igho ukoko na nọ a wo evaọ amara ọ June, July, gbe August riwi. Orọnikọ omọvo na ọ rẹ kiẹ igho na riwi k’emerae esa k’emerae esa ha, omọfa o re nwene iei. Nọ a tẹ kiẹ igho na riwi no, a ve whowho iei kẹ ukoko na nọ a te se iyẹrẹ epanọ igho e nya n’otha na no.—Rri Instructions for Congregation Accounting (S-27).

◼ Iviena wha muẹrohọ inọ Ogbẹgwae Iruo Ukoko na o rẹ whobọ họ ileta nọ a bi ro vi ekade owhowho-uvie no ukoko jọ kpohọ ukoko ofa, orọnikọ okere-obe na ọvo ọ rẹ whobọ họ iẹe he. Onana o rẹ jọ ere kẹ ohwo kpobi, te ọ rrọ ohwo nọ a ro mu ọkwa hayo ọ rrọ họ. Taure a te ti vi ileta nọ a bi ro vi ekade owhowho-uvie vrẹ, ekpako ukoko nọ e rrọ ogbẹgwae iruo na a rẹ ruẹ nọ evuẹ esa nana nọ i wuzou gaga na e rrọ ileta na: (1) ideti ileta na, (2) odẹ gbe adrẹse ukoko rai, gbe (3) odẹ gbe adrẹse ukoko okpokpọ owhowho-uvie na.

◼ Ma be kareghẹhọ ekpako ukoko re a rehọ Obe Ẹruorote Ọgwa Uvie Nọ A rẹ Kiẹ Riwi (CN-14) ro ru ọkiẹriwo ẹgbukpe ọrọ Ọgwa Uvie rai re a riẹ eware nọ i fo ẹruẹrẹ. Re a ru onana ziezi, ekpako na a rẹ nya lele ithubro nọ e rrọ ileta ọ August 1, 2007, nọ a kere se ugboma ekpako kpobi na. Nọ a te ru ọkiẹriwo na no, a ve kere eme fihọ obe ọkiẹriwo na gbagba, whobọhọ iẹe, je vi ei se uwou ogha nọ u re lehie vrẹ September 30 hi.

◼ Re u fiobọhọ kẹ iwhowho-uvie gbe ahwo nọ a dhesẹ isiuru nọ e be ziọ ewuhrẹ nọ i tuaro gbe enọ e rẹ ruẹ ude tere he nọ e rẹ sai se ebe ahwo nọ i tuaro, hayo nọ e rẹ gaviezọ kẹ ekọmputa nọ i re se eme na kẹ ae, ma ru ọruẹrẹfihotọ no re ma vi eme Uwou-Eroro ọ Braille nọ a re kporo evaọ ekọmputa se ahwo nọ a gwọlọ e rai. Enọ e riẹ obọnana họ uvitha uwuhrẹ orọ Uwou-Eroro Na evaọ Grade 2, hayo erọ Braille Oyibo nọ a keke fihọ oria ovona gbe uvitha uwuhrẹ orọ Uwou-Eroro Na evaọ Grade 1, hayo Braille ọ French gbe Spanish nọ a keke fihọ oria ovona ha. Ẹkwoma e-mail ma ti ro vi ai se ahwo nọ a gwọlọ wo ai. Ahwo nọ a gwọlọ wo Uwou-Eroro ọ Braille nọ a rẹ rọ ekọmputa kporo a rẹ vuẹ okere-obe ukoko rai re o kere ileta kpohọ P.M.B. 1090, Benin City, 300001, Edo State; “Attention: Braille Desk.” A re kere eware nana fihọ ileta na, odẹ ohwo na gbe adrẹse riẹ, odẹ gbe oghẹrẹ okwakwa ẹlẹtriki nọ a sai ro kporo oware utioye nọ o wo, adrẹse e-mail riẹ, gbe sọ o re se Braille Oyibo, Spanish, hayo French. O gbe wo e-mail hi, o re kere adrẹse e-mail omọfa nọ a sai ro vi ei sei ze.

◼ Kọmpat Diski gbe DVD ekpokpọ nọ E Riẹ:

Edrama Ebaibol—MP3 (Edrama ikpegbene sa-sa nọ e rrọ diski ọvo)—Oyibo

Pursue Goals That Honor God (DVD)—Oyibo

To the Ends of the Earth gbe United by Divine Teaching (DVD)—Oyibo, French, German, Italian, Japanese, Portuguese, Spanish

Watchtower Library—ọrọ 2007 (CD-ROM)—Oyibo

Young People Ask—How Can I Make Real Friends? (DVD)—Oyibo, French, German, Italian, Japanese, Portuguese, Russian, Spanish