Ọkiẹkpemu Isukulu Odibọgba Esuo-Ọghẹnẹ

A te kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ October 27, 2008 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva oka ọ September 1 rite October 27, 2008.

EKWAKWA ẸMEỌTA

1. Ẹvẹ ma sae rọ riẹ oware nọ o lẹliẹ amọfa rọwo eware nọ a rọwo? [be-IS ẹwẹ. 259 edhe. 2, 3]

2. Ẹvẹ ma sai ro fi obọ họ kẹ ohwo si omukpahe hayo egrẹ no udu riẹ? [be-IS ẹwẹ. 260 edhe. 2]

3. Ẹvẹ ma sai ro fi obọ họ kẹ emọ-uwuhrẹ mai kiẹ udu rai re a sai gbe wo ẹnyaharo abọ-ẹzi? [be-IS ẹwẹ. 261 edhe. 3]

4. Eme u fo nọ ma re wo họ iroro nọ ma be daoma re ẹme mai ọ nyate udu ahwo nọ ma be t’ẹme kẹ? [be-IS ẹwẹ. 262 edhe. 4]

5. Fikieme u ro fo re ma se oke nọ ma rẹ nya lele eva iwuhrẹ ukoko gboja? [be-IS ẹwẹ. 263 edhe. 1, 3, ẹkpẹti]

ẸME 1

6. Eme ọ lẹliẹ Pọl kere ileta ọsosuọ riẹ se ahwo Kọrint? [si-E ẹwẹ. 210 edhe. 3]

7. Ẹjiroro sa-sa jọ vẹ e lẹliẹ Pọl kere ileta avivẹ riẹ se ahwo Kọrint? [si-E ẹwẹ. 214 edhe. 1-2]

8. Ẹvẹ u fo nọ Ileleikristi a re rri odibọgba na? [si-E ẹwẹ. 216-217 edhe. 18]

9. Ẹvẹ mai nẹnẹ, wọhọ inievo obọ Filipai, ma sai ro wo ọjẹrehọ Ọghẹnẹ, je ru inievo mai wo oghọghọ? [si-E ẹwẹ. 225 edhe. 12]

10. Idhere vẹ Pọl avọ egbẹnya riẹ a rọ jọ uduotahawọ kẹ ukoko obọ Tẹsalonika? [si-E ẹwẹ. 231 edhe. 13]

ISASE EBAIBOL ẸKPOKA

11. Eme u dhesẹ re a “siobọnọ ohwo [omuomu na] kẹ Setan re uwo riẹ ọ raha, re a ruẹse siwi ẹzi riẹ”? (1 Kọr. 5:5) [w08 7/15 “Ẹme Jihova Ọ Rrọ Uzuazọ—Oruvẹ no Ebe-Ovuẹ nọ A Kere Se Ahwo Kọrint Ze”]

12. Ẹvẹ a re ru ekareghẹhọ uwhu Jesu kpekpe te nọ o jẹ jọ “kẹse kẹse,” kọ ri bọwo oke vẹ? (1 Kọr. 11:26) [w08 7/15 “Ẹme Jihova Ọ Rrọ Uzuazọ—Oruvẹ no Ebe-Ovuẹ nọ A Kere Se Ahwo Kọrint Ze”]

13. Didi eruẹaruẹ 2 Ahwo Kọrint 12:2-4 o fodẹ, kọ ono o wọhọ nọ ọ ruẹ eruẹaruẹ na? [w04 11/1 ẹwẹ. 8 edhe. 4; ẹwẹ. 10 edhe. 9]

14. Fikieme Pọl ọ rọ rehọ Uzi Mosis na dhesẹ ‘owuhrẹ nọ ọ be rehọ ahwo bru Kristi’? (Gal. 3:24) [w08-E 3/1 ẹwẹ. 18-21]

15. Eme Pọl o wo họ eva nọ ọ lẹ inọ “ẹzi gbe iroro avọ oma rai e jọ ọkpokpọ”? (1 Tẹs. 5:23) [w08 9/15 “Ẹme Jihova Ọ Rrọ Uzuazọ—Oruvẹ no Ebe-Ovuẹ nọ A Kere Se Ahwo Tẹsalonika gbe Timoti Ze”]