Enọ Uwuhrẹ Rọkẹ Obe ọ Wuhrẹ Mi Owuhrẹ Ologbo na
Ithubro Rọkẹ Epanọ A re ro Wuhrẹ Obe ọ Owuhrẹ Ologbo Na
Re whọ sai wuhrẹ obe nana evaọ edhere nọ ọ rẹ kẹ erere, kẹ idhe-eme nọ e rrọ uzou ovuọvo inọmba, te enọ e rrọ abọ eme-emuhọ na. A re se idhe-eme nọ e rrọ abọ ọvuọvo na kpobi ẹsiẹvo. A sae tẹme kpahe ikereakere nọ e rrọ urere uzou na evaọ udevie uwuhrẹ na nọ o tẹ gwọlọ ere.
Nọ a te bi wuhrẹ obe na evaọ Uwuhrẹ Obe Ukoko, izou ivẹ a re wuhrẹ koka koka, yọ abọ eme-emuhọ na a rẹ rehọ wọhọ uzou ọsosuọ. Abọ 25 a ghale obe na fihọ nọ a re ro wuhrẹ iẹe re, a rẹ rehọ oka urere na wuhrẹ Uzou avọ 48 je ru ọkiẹriwo ọkpẹkpẹe ọrọ obe na.
Uzou Avọ 32 Edhe-ẹme 1-9
1. Eme Jihova o ru re ọ ruẹ nọ emọ evra a zọ?
2. Okevẹ Jesu ọ rọ gwọlọ ethathọ obọdẹ, kọ rono obọ ono?
3. Ẹvẹ Jihova ọ rọ thọ Ọmọ riẹ nọ a gbe kpei hi?
Edhe-ẹme avọ 10-13
4. Amono nẹnẹ a wọhọ Jesu nọ ọ jọ ọmọfofa, kọ fikieme o jẹ gwọlọ nọ a rẹ thọ ae?
5. Ẹvẹ Setan gbe idhivẹri a be rọ daoma nwa emaha na oma?
6. Amono ọvo a rẹ sae wezẹ kugbe, kọ oghẹrẹ owezẹ ezae avọ eyae vẹ Ọghẹnẹ ọ ghọ?
Edhe-ẹme avọ 14-17
7. Amono a rẹ sae gwọlọ lele emaha na wezẹ, kọ ẹvẹ a rẹ rọ gwọlọ bẹbẹ emaha na họ?
8. Ẹvẹ emaha na a sae rọ thọ omarai no obọ ahwo nọ a rẹ gwọlọ ru eware etọtọ?
9. Eme esẹgbini a rẹ sai ru rọ thọ emọ rai?
Uzou 33 Edhe-ẹme 1-8
1. Ẹvẹ ahwo buobu a rehọ Jesu nẹnẹ, rekọ oghẹrẹ ohwo vẹ ọ rrọ enẹna?
2. Nọ Jesu ọ jọ kugbe ilele riẹ evaọ okọ, ẹvẹ o ro dhesẹ nọ o wo ogaga ulogbo?
3. Fikieme ozọ o gbe hai mu ilele Jesu hu?
Edhe-ẹme avọ 9-14
4. Eme ọ via nọ ẹkporo ọfa o je fi?
5. Fikieme Jesu o ro ru iruo igbunu ilogbo eyena evaọ oke yena?
Edhe-ẹme avọ 15-16
6. Ẹvẹ Jesu ọ be rehọ ogaga riẹ ruiruo nẹnẹ?
7. Iruo igbunu vẹ nọ Jesu o ti ru evaọ obaro ma rẹ sai rri kpọhọ?
Uzou 34 Edhe-ẹme 1-4
1. Ẹvẹ ma sai rọ riẹ oware nọ o rẹ via nọ ohwo o te whu?
2. Didi oware eme nọ Jesu ọ ta kpahe Lazarọs i dhesẹ kpahe uwhu?
Edhe-ẹme avọ 5-10
3. Eme Jesu o ru evaọ obọ uki nọ a kie Lazarọs fihọ?
4. Eme ọ via nọ Jesu o bo via nọ: “Lazarọs, nya via”?
Edhe-ẹme avọ 11-16
5. Eme ọ rẹ via nọ ohwo o te whu?
6. Ẹvẹ ma rọ riẹ inọ Lazarọs o kpohọ obọ odhiwu hu?
7. Ẹvẹ ma rọ riẹ inọ ohwo o te whu no abọ oma riẹ ọvuọvo o re kpohọ obojọ nyae rria ha?
Edhe-ẹme avọ 17-19
8. Orọwọ vẹ ahwo nọ a rrọ okegbe ra a wo kpahe ahwo nọ a whu no?
9. Ẹvẹ ikuigbe Lazarọs i ro fi obọ họ k’omai nọ ma gbẹ dhozọ ahwo nọ a whu no ho?
Uzou 35 Edhe-ẹme 1-4
1. Ẹvẹ ma rọ riẹ nọ Jihova ọ gwọlọ kpare ahwo nọ a whu no wariẹ ziọ uzuazọ, gbe inọ Jesu o wo oghẹrẹ isiuru evona re?
2. Ẹvẹ a rọ kpare emọ ivẹ jọ no uwhu ze oke othethei nọ u kpemu taure a te ti yẹ Jesu?
3. Fikieme u ro mu omai ẹro inọ Jihova ọ te kareghẹhọ omai otẹrọnọ ma whu?
Edhe-ẹme avọ 5-11
4. Eme ọ via kẹ ọmọtẹ Jairọs, kọ eme Jesu o ru kẹe?
5. Eme ma rẹ sai wuhrẹ no ikuigbe Ebaibol nana ze?
Edhe-ẹme avọ 12-18
6. Ẹvẹ ọmọ aye-uku na nọ Jesu ọ kpare no uwhu ze u ro dhesẹ inọ Jesu o wo isiuru nọ ọ rẹ rọ kpare iwhuowhu na?
7. Ẹvẹ who roro nọ udu oni ọmọzae nọ a kpare na o jọ, kọ okevẹ ahwo kpobi a ti ro wo oghẹrẹ oghọghọ utiọye?
Uzou 36 Edhe-ẹme 1-6
1. Eme ekparomatha nọ a gbiku rai evaọ Ebaibol na u dhesẹ via?
2. Fikieme a te rọ kpare ahwo nọ a kiẹrẹe he, kọ diẹse a te rria?
3. Okevẹ a te rọ jọ otọakpọ na kpare ahwo ziọ uzuazọ, kọ eme ọ te via evaọ oke yena?
Edhe-ẹme avọ 7-11
4. Eme ma wuhrẹ no eyaa Jesu kẹ ogbulegbu na ze inọ o ti lelei jọ obọ Aparadase?
5. Evaọ edhere vẹ ogbulegbu na o ti ro lele Jesu jọ evaọ Aparadase?
6. Fikieme Jesu ọ te rọ kẹ ohwo nọ ọ jọ ogbulegbu vẹre uvẹ re ọ jọ Aparadase?
Edhe-ẹme avọ 12-17
7. Ẹvẹ ma rọ riẹ inọ orọnikọ ahwo kpobi nọ a kpare ze a te rria otọakpọ họ?
8. Bro ahwo a te kpare evaọ “ekparomatha ọsosuọ na,” kọ eme a ti ru?
9. Fikieme o te rọ jọ oware omawere re a rria Aparadase evaọ otọakpọ?
Uzou 37 Edhe-ẹme 1-7
1. Okẹ obọdẹ vẹ Ọghẹnẹ ọ kẹ omai?
2. Fikieme mai kpobi ma rọ gwọlọ ọsẹ ọkpokpọ?
3. Ẹvẹ o rọ rrọ nọ Jesu ọ sai zihe ruọ ọsẹ mai gbe Osiwi?
4. Eme họ ẹtanigbo na, kọ fikieme ma rọ gwọlọ iẹe?
Edhe-ẹme avọ 8-15
5. Evaọ aso taure o te ti whu, eme Jesu avọ ilele riẹ a kokohọ ru?
6. Didi oware Jesu o ro mu nọ u nwene ehaa Ọnyavrẹ na?
7. Didi eware oka Jesu o ro ru emu owọwọ na, kọ eme i dikihẹ kẹ?
8. Eme emu owọwọ na o re fi obọ họ kẹ omai kareghẹhọ?
Edhe-ẹme avọ 16-18
9. Eme u fo nọ ma re roro kpahe nọ ma te kpohọ Ekareghẹhọ na?
10. Ono ọ rẹ re ebrẹdi na jẹ da udi na, kọ fikieme?
11. Fikieme ahwo nọ a rẹ re ebrẹdi na ha jẹ da udi na ha a je kpohọ Ekareghẹhọ na?
Uzou 38 Edhe-ẹme 1-5
1. Eme Jesu o siwi omai no?
2. Amono Jesu o whu kẹ?
3. Ẹvẹ Ọghẹnẹ ọ rehọ ahwo nọ a rrọ otọakpọ?
Edhe-ẹme avọ 6-12
4. Eme ọ via kẹ Jesu evaọ aso taure o te ti whu?
5. Gbiku oware nọ o via okiokiọ riẹ.
6. Ẹvẹ Jesu o ro wo ohẹriẹ no Adamu?
Edhe-ẹme avọ 13-16
7. Ẹvẹ Pọl o ro dhesẹ nọ uyoyou Kristi rọ kẹe ọ da riẹ ẹro fia?
8. Emamọ ẹjiroro vẹ ma wo nọ ma re ro you Jesu?
9. Ẹvẹ ma re ro dhesẹ nọ ma be rria uzuazọ ro ru Kristi eva were?
Uzou 39 Edhe-ẹme 1-4
1. Ẹvẹ who roro nọ o jọ Jihova oma nọ a kpe Jesu?
2. Udufihọ vẹ Jesu o wo?
3. Diẹse a kpare Jesu no ze, kọ ẹvẹ o whu krite?
Edhe-ẹme avọ 5-13
4. Gbiku oware nọ o via evaọ Edisoi-Oka nọ Jesu o ro whu na.
5. Oghẹrẹ ugboma vẹ a rọ kpare Jesu, kọ ẹvẹ ahwo a sae rọ wariẹ rue riẹ?
6. Didi eware e via evaọ Ẹdoka nọ a rọ kpare Jesu na?
Edhe-ẹme avọ 14-17
7. Bro edẹ Jesu ọ rehọ oma via evaọ oma iwo, kọ eme ọ via uwhremu na?
8. Oghẹrẹ vẹ ahwo buobu a bi ro ru ehaa ẹkparomatha Jesu nẹnẹ, rekọ ẹvẹ ma sae rọ jọ wọhọ ilele ọsosuọ Jesu?
Uzou 40 Edhe-ẹme 1-3
1. Eme Ọghẹnẹ o du gwọlọ mi omai hi, rekọ eme ma rẹ sai ru kẹe?
2. Fikieme Jihova ọ gbẹ ma omai wọhọ ẹjini hi re ọ kpọ omai ru onọ ọ gwọlọ nọ ma ru?
Edhe-ẹme avọ 4-7
3. Ẹvẹ o rẹ jọ Ọghẹnẹ oma nọ ma te bi ru oreva riẹ?
4. Fikieme ohwo nọ ma salọ nọ ma rẹ gọ o jẹ rrọ oware nọ o roja kẹ Jihova, jẹ rọ kẹ Setan?
Edhe-ẹme avọ 8-15
5. Eme Setan o ru Job?
6. Ẹvẹ who roro nọ o jọ Jihova oma nọ Job o kru ẹrọwọ riẹ?
7. Didi oriruo Jesu o fihọ kẹ omai, kọ ẹvẹ ma sae rọ raro kele iei?
Uzou 41 Edhe-ẹme 1-7
1. Ẹvẹ Jesu o ro fi ọsẹgboni riẹ họ awa okejọ?
2. Wọhọ ọmọ, eme Jesu o ru nọ o lẹliẹ eva were ọsẹgboni riẹ gbe Ọghẹnẹ?
Edhe-ẹme avọ 8-12
3. Eme ọmaha ọ rẹ sai ru nẹnẹ nọ u re ru eva were Ọghẹnẹ?
4. Ẹvẹ ma sai ro vuhu ahwo Ọghẹnẹ?
Edhe-ẹme avọ 13-18
5. Ẹvẹ oriruo Timoti ọ sai ro fi obọ họ kẹ emaha na?
6. Eme ma rẹ sai wuhrẹ no oriruo ọmọtẹ ọboba ohwo Izrẹl na ze?
7. Ute uwoma vẹ emaha a rẹ sai fihọ kẹ omarai?
Uzou 42 Edhe-ẹme 1-6
1. Ẹvẹ ma rọ riẹ inọ o thọ họ re ma zaharo?
2. Didi iruo Ebaibol e ta nọ Jesu o wuhrẹ, kọ fikieme, kọ who roro nọ ọ riẹ iruo na ziezi?
3. Fikieme iruo nọ a re ru o rọ jọ oware erere kẹ Jesu, kọ fikieme u ro woma kẹ omai nẹnẹ?
Edhe-ẹme avọ 7-13
4. Fikieme Jesu ọ rọ jọ ohwo nọ o wo evawere?
5. Iruo obọdẹ vẹ Jesu o ru nọ ọ jọ otọakpọ, kọ ẹvẹ iruo na e jariẹ oma?
6. Iruo vẹ emaha a rẹ sai ru nẹnẹ, kọ ẹvẹ iruo rai e sae rọ jọ erere kẹ uviuwou na?
Edhe-ẹme avọ 14-16
7. Fikieme u ro wuzou re who ru iruo nọ a jọ obọ isukulu k’owhẹ?
8. Fikieme u gbe fo re ma dhozọ iruo ho?
9. Didi onọ nọ u wuzou kpahe iruo u fo nọ ma rẹ nọ oma mai?
Uzou 43 Edhe-ẹme 1-7
1. Eme ma riẹ kpahe inievo eva Jesu?
2. Amono Jesu o dhesẹ nọ ae họ oni gbe inievo riẹ, kọ eme họ otofa ẹme riẹ na?
3. Ẹvẹ o sae jọ nọ imoni Jesu a yeri kugbei evaọ oke ọsosuọ?
Edhe-ẹme avọ 8-14
4. Iriruo vẹ e rrọ Ebaibol na erọ oniọvo nọ o you oniọvo riẹ hẹ?
5. Eme ma re wuhrẹ no oma Keni avọ Ebẹle ze?
Edhe-ẹme avọ 15-18
6. Eme họ uyoyou, kọ ẹvẹ u wuzou te re a dhesẹ uyoyou?
7. Ẹvẹ ma sai ro dhesẹ inọ ma you inievo-emezae gbe erọ emetẹ mai?
Uzou 44 Edhe-ẹme 1-5
1. Ẹvẹ ma sai ro zihe ruọ egbẹnyusu Ọghẹnẹ, wọhọ Abraham?
2. Didi oghẹrẹ ahwo Jesu o mu egbẹnyusu?
3. Amono a jọ usu egbẹnyusu ekpekpe Jesu?
Edhe-ẹme avọ 6-10
4. Fikieme Jesu o je ro kpohọ iwou oghẹrẹ ahwo kpobi?
5. Ono họ Zakiọs, kọ ẹvẹ o ro zihe ruọ ogbẹnyusu Jesu?
Edhe-ẹme avọ 11-15
6. Fikieme ma je kpohọ iwou ahwo nọ a rrọ egbẹnyusu mai hi?
7. Amono u fo nọ e rẹ jọ egbẹnyusu ekpekpe mai?
8. Ẹvẹ ma sae rọ riẹ oghẹrẹ ohwo nọ ọ te jọ emamọ ogbẹnyusu?
9. Ẹvẹ ahwo nọ ma mu usu kugbe a sai ro kpomahọ uzuazọ mai?
Uzou 45 Edhe-ẹme 1-8
1. Eme họ Uvie Ọghẹnẹ, kọ eme ma riẹ kpahe Ovie riẹ?
2. Evaọ edhere vẹ Uvie na u ro sikẹle no evaọ edẹ Jesu?
3. Didi iruo nọ i wuzou Jesu o ru evaọ otọakpọ, kọ amono a fi obọ họ kẹe ru ei?
Edhe-ẹme avọ 9-14
4. Amono a gwọlọ nọ Jesu ọ jọ Ovie rai, rekọ amono a gwọlọ e riẹ hẹ?
5. Amono a jẹ gwọlọ kpe Jesu, kọ ẹvẹ a rọ whẹ iroro evona họ ahwo na?
6. Uruemu vẹ ahwo a wo kpahe Jesu nẹnẹ re?
Edhe-ẹme avọ 15-20
7. Ẹvẹ ma sai ro dhesẹ nọ ma you Ọghẹnẹ?
8. Eme Jesu ọ rehọ ame-ọhọ riẹ dhesẹ via, kọ ẹvẹ Ọghẹnẹ o ro dhesẹ nọ ọ jẹ riẹ rehọ?
9. Fikieme ma rẹ rọ họ-ame re, kọ nọ ma te ru ere no, iruo vẹ o gwọlọ nọ ma rẹ ruabọhọ ru?
Uzou 46 Edhe-ẹme 1-11
1. Nọ Ebaibol na e ta nọ ‘Akpọ na ọ rẹ te vrẹ,’ eme oyena u dhesẹ?
2. Eme ahwo a je ru taure Ẹvo na o te ti ku, kọ fikieme Jesu ọ rọ tanọ u fo nọ ma riẹ kpahe oyena?
3. Eme Ọghẹnẹ ọ ta kẹ Noa nọ o ru, kọ eme ọ via nọ Ẹvo na o ku ze?
Edhe-ẹme avọ 12-19
4. Eme ma rẹ sai wuhrẹ no uruemu ahwo oke oyena ze?
5. Eme Ọghẹnẹ ọ te rọ raha ahwo muomu, kọ fikieme ọ te rọ raha ae?
6. Eme họ Amagẹdọn, kọ ono ọ te kobaro evaọ ẹmo na?
Uzou 47 Edhe-ẹme 1-11
1. Ẹvẹ ahwo a te rọ riẹ nọ Jesu o zihe ze no je muhọ esuo no evaọ obọ odhiwu?
2. Didi oware Jesu o je wuhrẹ nọ ọ ta kpahe ure ojo?
3. Abọ jọ vẹ ọrọ oka nọ Jesu ọ kẹ na i bi rugba nẹnẹ?
Edhe-ẹme avọ 12-16
4. Eme oka nọ Jesu ọ kẹ na u dhesẹ?
5. Okenọ Jesu ọ ta kpahe ẹdhẹ eva oke ekpahe, eme ọ jẹ gwọlọ nọ ahwo a wuhrẹ?
Uzou 48 Edhe-ẹme 1-8
1. Eme họ otofa “idhiwu ekpokpọ” gbe “akpọ ọkpokpọ”?
2. Rehọ ikereakere na gbe iwoho nọ e rrọ obe na dhesẹ oghẹrẹ nọ uzuazọ o te jọ evaọ akpọ ọkpokpọ Ọghẹnẹ.
Edhe-ẹme avọ 9-15
3. Fikieme eriariẹ Ebaibol nọ ma re wo o rọ roja re ma sae rria bẹdẹ bẹdẹ?
4. U te no eriariẹ no, eme ọfa ọ roja nọ ma re ru re ma sae rria akpọ ọkpokpọ Ọghẹnẹ?
5. Ẹvẹ obe nana o sai ro fi obọ họ kẹ omai rria bẹdẹ bẹdẹ?