Iwhowhovia

◼ Ebe nọ ma ti fihọ ada evaọ March: Eme Ebaibol na O Gine Wuhrẹ? Daoma to ebe-iwuhrẹ họ. April gbe May: Uwou-Eroro Na gbe Awake! Nọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi, tẹrovi efihada obe ọ Eme Ebaibol na O Gine Wuhrẹ? avọ ẹjiroro obe-uwuhrẹ Ebaibol nọ whọ rẹ tohọ. June: Eme Ebaibol na O Gine Wuhrẹ? Otẹrọnọ ohwo na o wo obe na no, owhowho-uvie na ọ sai fi obe ewẹ-obe 192 kpobi nọ ukoko na u kere taure 1992 o te ti te họ ada.

◼ A re si obọ no uvitha Uwou-Eroro gbe Awake! ekpokpọ kẹ iwhowho-uvie nọ e tẹ nwani kpozi te owhai obọ no. Onana u re fi obọ họ kẹ iwhowho-uvie na nọ a je sei jẹ riẹ eware nọ e rrọ ae eva ziezi taure a te ti fi ai họ-ada.