Iyẹrẹ Iruo Usiuwoma Ota

Evaọ ukpe-iruo 2007-2008 na, iwhowho-uvie 1,206 evaọ Nigeria a kuyo kẹ uzizie na re a nyae ta usiuwoma evaọ ekwotọ nọ a rẹ jọ ta usiuwoma tere he. Ibuobu ahwo nana a nẹ iyẹrẹ eware ọbọga nọ a rọ ẹro ruẹ nọ u dhesẹ nọ ma gbẹ gwọlọ iruiruo efa. Oniọvo-ọmọzae jọ ọ ta nọ: “Evaọ ẹdẹ ukpo mai, nọ ewuhrẹ ọ fa no, ọzae ẹwho na jọ ọ tẹ nọ omai okenọ ma te rọ wariẹ zihe. Ma tẹ vuẹe inọ ma nwane riẹ oke na dẹẹ hẹ. Ọ tẹ ta nọ, ‘Nọ aye o te yẹ ọmọ, ọ rẹ rẹrote ọmọ na bẹsenọ o re ro te ohwo nọ ọ sae rẹrote omobọriẹ. Wha yẹ ọmọ no obọ . . . rekọ wha be nya se iẹe ba. Ono ọ te rẹrote ọmọ na bẹsenọ o re te ohwo? Ivie, wha ru ojọ k’omai.’” Kọ whọ sae kuyo kẹ uzizie na enukpe nana?—Iruẹru 16:9.