Iwhowhovia

◼ Ebe nọ ma ti fihọ ada evaọ November: Eme Ebaibol na O Gine Wuhrẹ? Otẹrọnọ ohwo na o wo obe na no vẹre, wha sai fi obe ofa nọ u kri no nọ ukoko rai u wo họ ada kẹe. Onọ a sai ro nwene iei, obe ọ Gọ Ọghẹnẹ Uzẹme Ọvo Na. December: Ọzae nọ Ọ Mae Rro nọ Ọ Rria No. Otẹrọnọ emaha e rrọ uwou na, fi obe ọ Wuhrẹ Mi Owuhrẹ Ologbo Na họ ada. January: Eme Ebaibol na O Gine Wuhrẹ? Otẹrọnọ ahwo na a wo obe na no vẹre, whọ sai fi obe kpobi nọ u kri no nọ ukoko rai u wo họ ada. Ọnọ a sai ro nwene iẹi, Gọ Ọghẹnẹ Uzẹme Ọvo Na. February: A sai fi Edidi Evawere Uviuwou hayo Gọ Ọghẹnẹ Uzẹme Ọvo Na họ ada.

◼ Ikoko buobu nọ e rrọ ofẹ obọze ovatha-ọre gbe ofẹ ẹkpẹlobọ ovatha-ọre Nigeria i wo ekpako ukoko ho, fikiere ma gwọlọ ekpako ukoko nọ i te ziezi nọ e rẹ rẹrote ikoko nana. (Iruẹru 16:9, 10) Ma be tuduhọ ekpako awọ, maero enọ i seri iruo Oyibo họ no re a roro kpahe onana sọ uyero rai o sae kẹ ae uvẹ kwa kpohọ ikoko enana re a fi obọ họ. Jọ ohwo kpobi nọ ọ sai ru ere ọ nya lele ekpọvio nọ e rrọ obe ọ A Koko Omai Họ na, evaọ ẹwẹ-obe avọ 111-112, je kere se uwou ogha Nigeria kẹ evuẹ efa.—Mal. 3:10; Luk 14:28.