Iwhowhovia

◼ Ebe nọ ma ti fihọ ada evaọ March: Eme Ebaibol na O Gine Wuhrẹ? Jọ iwhowho-uvie a wo ẹtohọ obe-uwuhrẹ Ebaibol h’iroro nọ a te bi fi obe nana họ ada, hayo otẹrọnọ ohwo na o wo obe na no vẹre. April gbe May: Uwou-Eroro Na gbe Awake! Nọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ, rekiyọ a ri kuomagbe ukoko na ziezi hi, tẹrovi efihọ-ada obe ọ Eme Ebaibol na O Gine Wuhrẹ? avọ ẹjiroro ẹtohọ obe-uwuhrẹ Ebaibol. June: Eme Ebaibol na O Gine Wuhrẹ? Otẹrọnọ ohwo na o wo obe na no vẹre, owhowho-uvie na ọ sai fi obe kpobi nọ u kri no nọ ukoko na u wo họ ada.

◼ Nọ uvitha Uwou-Eroro gbe Awake! ekpokpọ e tẹ nwani t’owhai obọ no, a rẹ ghale ae kẹ iwhowho-uvie, onana u re fi obọ họ kẹ ae nọ a je se emagazini na no taure a te ti fi ae họ ada.

◼ A ti ru Ekareghẹhọ na evaọ Edivẹ-Oka, March 30, 2010. Otẹrọnọ Edivẹ-Oka wha re ro ru ewuhrẹ rai vẹre, a rẹ kpariẹ fihọ ẹdẹ ọfa. Otẹrọnọ ikoko buobu e be jọ Ọgwa Uvie na ru iwuhrẹ yọ o lọhọ họ re wha fi ewuhrẹ na họ ẹdẹ ọfa, wha sae kpairoro vrẹ ewuhrẹ na. O tẹ via ere, yọ eme jọ evaọ Ewuhrẹ Odibọgba na i kpomahọ ukoko rai gaga, wha sai fi ae ba Ewuhrẹ Odibọgba ọfa.