Iwhowhovia

◼ Ebe nọ ma ti fihọ ada evaọ April gbe May: Uwou-Eroro Na gbe Awake! Nọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ, rekiyọ a ri kuomagbe ukoko na ziezi hi, tẹrovi efihọ-ada obe ọ Ebaibol Wuhrẹ avọ ẹjiroro obe-uwuhrẹ Ebaibol nọ whọ rẹ tohọ. June: Eme Ebaibol na O Gine Wuhrẹ? Daoma to ebe-iwuhrẹ Ebaibol họ evaọ iweze ọsosuọ na. Otẹrọnọ ahwo a wo obe na no vẹre, yọ a rọwo nọ a wuhrẹ obe kugbe ai hi, iwhowho-uvie a sai fi obe kpobi nọ u kri no nọ ukoko rai u wo họ ada. Ọnọ a sai ro nwene iei, Gọ Ọghẹnẹ Uzẹme Ọvo Na. July gbe August: Ibroshọ kpobi nọ ọ rẹ were ahwo ẹkwotọ rai nọ wha wo evaọ ukoko rai. A rẹ sai fi ibroshọ ọkpokpọ na Real Faith—Your Key to a Happy Life họ ada kẹ ahwo Muslim.

◼ Evaọ Edisoi-Oka, October 22, 2010, Brọda Stephen Lett, omọvo Ugboma Esuo na ọ jọ okokohọ ubrotọ nọ a ru evaọ Awi, kẹle Calabar siobọno Ebaibol ọ New World Translation of the Holy Scriptures evaọ ẹvẹrẹ Efik. A rehọ ẹkwoma Itanẹte kpeze eme nọ Brọda Stephen Lett o ru kpohọ ikokohọ ivẹ efa nọ a ru oke ovo yena re evaọ Ikot Ekpene gbe Uyo. Evaọ evẹrẹ esa Nigeria ma jo wo Ebaibol ọ New World Translation na enẹna, eyehọ Efik, Igbo gbe Yoruba.

◼ Muhọ no May vrẹ, ikoko kpobi a rẹ tẹrovi ẹtohọ ebe-iwuhrẹ Ebaibol evaọ Ẹdẹ-Ọmaha ọsosuọ kamara kamara. A ruẹrẹ uzoẹme na “Wuhrẹ No Ẹme Ọghẹnẹ Ze” nọ o be hae romavia evaọ Uwou-Eroro Na họ re u fi obọ họ kẹ iwhowho-uvie ru onana. Ẹwẹ-obe urere Odibọgba Uvie Mai kpobi o te hai wo idhere usiuwoma ota oriruo nọ a sai ro ruiruo evaọ amara nọ o kẹle riẹ, kugbe epanọ a sae rọ to obe-uwuhrẹ Ebaibol họ evaọ Ẹdẹ-Ọmaha ọsosuọ amara na.

◼ Wọhọ epanọ ma whowho no vẹre, ma ti ru Ekareghẹhọ na evaọ Ẹdoka April 17, 2011. Ole avọ 8 ma ti ro muhọ, ma vẹ te rehọ ole avọ 109 kuhọ, enọ e rrọ obe-ile ọkpokpọ mai na.