Iwhowhovia
◼ Ebe nọ ma ti fihọ ada evaọ September: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. Otẹrọnọ ahwo a wo obe na no vẹre, a gbẹ jẹ rọwo obe-uwuhrẹ Ebaibol ho, iwhowho-uvie a sai fi emagazini hayo ibroshọ kpobi nọ u kri no nọ o ta ẹme kpahe uyero ohwo na họ ada. October: Uwou-Eroro Na gbe Awake! Nọ ohwo na o te dhesẹ isiuru, kẹe omobe-ovẹvẹ na Kọ Whọ Gwọlọ Riẹ Uzẹme Na?, jẹ daoma to obe-uwuhrẹ Ebaibol họ kugbei. November: Ebaibol Na—Ovuẹ Vẹ O Riẹ Eva? Onọ a sai fibae hayo ro nwene iei họ, ibroshọ ewẹ-obe 32 jọ kpobi nọ ma fodẹ evaọ Odibọgba Uvie Mai ọrọ August 2011. December: Ọzae nọ Ọ Mae Rro nọ Ọ Rria No. Otẹrọnọ emaha e rrọ uwou na, fi obe ọ Wuhrẹ Mi Owuhrẹ Ologbo Na hayo Obe Ikuigbe Ebaibol Mẹ họ ada.
◼ A te kẹ ovuẹ ogbotu obọdẹ rọkẹ ezi Ekareghẹhọ 2012 na evaọ oka nọ o rọ April 2 muhọ. A ti whowho uzoẹme ovuẹ na oke ofa. Uvumọ ukoko o rẹ kẹ ovuẹ obọdẹ na taure Ekareghẹhọ na o te ti te he.
◼ Iwhowho-uvie nọ i ti ru ọkobaro obufihọ evaọ March 2012 a te sae salọ sọ utee euwa 30 hayo 50 a ti ru evaọ amara na. Ofariẹ, otẹrọnọ ọsẹro okogho o bi rri ukoko na evaọ March, enọ i bi ru ọkobaro obufihọ a rẹ jariẹ evaọ etoke ẹgwae nọ ọsẹro okogho na ọ be gba kugbe ekobaro oke-kpobi na soso, o tẹ make rọnọ utee euwa 30 hayo 50 a bi le.
◼ Muhọ no September vrẹ, esẹro okogho e te kẹ ovuẹ ogbotu nọ uzoẹme riẹ o rrọ “Kuomagbe Ahwo Ọghẹnẹ nọ Eva E Be Were.”
◼ Ma be kareghẹhọ owhai inọ, uvumọ ohwo o re kere adrẹse uwou ogha nọ a rẹ rọ za ileta zihe se ai na fihọ ileta obọriẹ hẹ. Onana o kẹre te ileta kpobi gbe ebe ukoko na nọ ohwo o bi vi se ahwo nọ a dhesẹ isiuru, enọ a dihọ uwou hu, hayo enọ e be rria eria nọ e rẹ bẹ ẹruọ. Owhowho-uvie ọ sai kere adrẹse obọriẹ nọ a rẹ rọ za ileta zihe sei fihọ ileta riẹ, keme iruo odibọgba riẹ yọ abọjọ egagọ riẹ kẹ Ọghẹnẹ. (Mat. 28:19, 20; Rom 10:14, 15) Rekọ, o te rri inọ u kiehọ họ re o kere adrẹse obọriẹ fihọ ileta nọ ọ be rọ ta usiuwoma, ọ sai kere odẹ riẹ gbe adrẹse Ọgwa Uvie rai fihọ ileta na.—Rri Ẹkpẹti Onọ evaọ Odibọgba Uvie Mai ọrọ May 2002.