Iyẹrẹ Iruo Usiuwoma Ota

Eva e were omai nọ ma rọ ruẹ inọ iwhowho-uvie 65,456 a ru ọkobaro obufihọ evaọ April. Nọ ma ku unu ekobaro oke-kpobi nọ i bu te 31,488 gbe orọ ekobaro obọdẹ 810 nọ e n’iyẹrẹ evaọ amara yena kugbe unu yena, ma ruẹ inọ abasa orọ iwhowho-uvie kpobi evaọ Nigeria i ru ọkobaro nọ ma ghale ai kpohọ abakpe. U woma kẹhẹ! Onana u dhesẹ nọ Jihova ọ be ghale ahwo riẹ nọ a bi w’obọ evaọ erugba eruẹaruẹ wọhọ onọ o rrọ Aizaya 12:3-5.