Iwhowhovia

◼ Ebe nọ ma ti fihọ ada evaọ February: Edidi Evawere Uviuwou hayo Si Kẹle Jihova. March: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. April gbe May: Uwou-Eroro Na gbe Awake! Ohwo na o te dhesẹ isiuru, kẹe omobe-ovẹvẹ na Kọ Whọ Gwọlọ Riẹ Uzẹme Na? jẹ daoma to obe-uwuhrẹ Ebaibol họ. Nọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ, rekiyọ a ri kuomagbe ukoko na ziezi hi, tẹrovi efihọ-ada obe ọ Ebaibol Wuhrẹ avọ ẹjiroro obe-uwuhrẹ Ebaibol nọ whọ rẹ tohọ.

◼ Uzoẹme ovuẹ ogbotu obọdẹ nọ a te kẹ evaọ urere oka nọ a ti ro ru Ekareghẹhọ na họ “Kọ Urere Na U Lehie Vi Epanọ Who Rẹro Riẹ No?”

◼ Whọ tẹ gwọlọ kperẹ evaọ orẹwho nọ a fi odẹ riẹ họ usu erẹwho nọ a kere fihọ iyẹrẹ ukpe-iruo mai hi hayo nọ adrẹse riẹ ọ rrọ ẹwẹ-obe urere Yearbook ọkpokpọ mai hi, iviena se uwou ogha orọ orẹwho ra re a vuẹ owhẹ epanọ whọ sae rọ yọroma evaọ obei. O sae jọnọ a fi awhaha jọ họ iruo Uvie na evaọ orẹwho yena. (Mat. 10:16) Evaọ erẹwho jọ, o rẹ sae jọ oware ọza re ọrara ọ gwọlọ Isẹri Jihova hayo oria nọ a re kokohọ jọ ru iwuhrẹ. Uwou ogha o sae jẹ vuẹ owhẹ epanọ whọ sae rọ rehọ areghẹ ta usiuwoma hayo wha ebe mai. Who te ru lele ithubro nọ a te kẹ owhẹ, o te whaha uye nọ who re si se omara hayo inievo nọ e rrọ obei.—1 Kọr. 14:33, 40.