Iwhowhovia

◼ Ebe nọ ma ti fihọ ada evaọ March: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. April gbe May: Uwou-Eroro Na gbe Awake! Ohwo na o te dhesẹ isiuru, kẹe omobe-ovẹvẹ na Kọ Whọ Gwọlọ Riẹ Uzẹme Na? jẹ daoma to obe-uwuhrẹ Ebaibol họ. Nọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa, rekiyọ a ri kuomagbe ukoko na ziezi hi, tẹrovi epanọ whọ rẹ rọ rehọ obe ọ Ebaibol Wuhrẹ to obe-uwuhrẹ Ebaibol họ. June: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. Otẹrọnọ ohwo na o wo obe na no, yọ ọ rọwo obe-uwuhrẹ Ebaibol ho, whọ rẹ sai fi emagazini hayo ibroshọ kpobi nọ u kri no nọ o ta ẹme kpahe uyero riẹ họ ada kẹe.

◼ Evaọ ukpe nana ma ti ru ekareghẹhọ uwhu Kristi evaọ Edene-Oka, April 5, 2012. Otẹrọnọ wha re ru ewuhrẹ evaọ Edene-Oka, wha rẹ kpariẹ fihọ ẹdẹ ọfa. Onana o gbẹ lọhọ họ, wha sae kpairoro vrẹ ewuhrẹ na, rekọ ẹme jọ ọ tẹ rrọ Ewuhrẹ Odibọgba yena nọ o wuzou kẹ ukoko rai gaga wha sae fi ei ba Ewuhrẹ Odibọgba ọfa.

◼ Evuẹ nọ e rrọ obotọ kpahe Ekareghẹhọ nọ ma ru evaọ ukpe-iruo 2011 e sai fi obọ họ evaọ ẹme ọ Ekareghẹhọ na:

○ Unu iwhowho-uvie evaọ akpọ-soso: 7,659,019

○ Unu ahwo nọ e ziọ Ekareghẹhọ na evaọ akpọ-soso: 19,374,737

○ Enọ e re ebrẹdi jẹ da udi na evaọ akpọ-soso: 11,824

○ Enọ e ziọ Ekareghẹhọ na evaọ Nigeria: 699,406

◼ Uzoẹme ovuẹ ogbotu obọdẹ nọ a te kẹ evaọ urere oka nọ a ti ro ru Ekareghẹhọ na họ “Kọ Urere Na U Lehie Vi Epanọ Who Rẹro Riẹ No?”

◼ Ma te jọ Iwuhrẹ Odibọgba jọ nọ e be tha ta ẹme kpahe ividio ivẹ nana, How Can I Make Real Friends? gbe What Will I Do With My Life? Otẹrọnọ whọ gwọlọ wo ividio na jọ, rehọ ẹkwoma ukoko ra yare ababọ oke-oraha.