Iwhowhovia

◼ Ebe nọ ma ti fihọ ada evaọ April gbe May: Uwou-Eroro Na gbe Awake! Ohwo na o te dhesẹ isiuru, kẹe omobe-ovẹvẹ na Kọ Whọ Gwọlọ Riẹ Uzẹme Na? jẹ daoma to obe-uwuhrẹ Ebaibol họ. Who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa, rekọ a ri kuomagbe ukoko na ziezi hi, tẹrovi epanọ whọ rẹ rọ rehọ obe ọ Ebaibol Wuhrẹ to obe-uwuhrẹ Ebaibol họ. June: Eme Ebaibol na O Gine Wuhrẹ? Daoma to obe-uwuhrẹ Ebaibol họ evaọ iweze ọsosuọ. Otẹrọnọ ohwo na o wo obe na no, yọ ọ rọwo obe-uwuhrẹ Ebaibol ho, whọ rẹ sai fi emagazini hayo ibroshọ kpobi nọ u kri no nọ o ta ẹme kpahe uyero riẹ họ ada kẹe. July: Fi ibroshọ ewẹ-obe 32 enana họ ada: Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ, hayo Whọ Rẹ Sae Jọ Ogbẹnyusu Ọghẹnẹ! jẹ daoma to obe-uwuhrẹ họ. Evaọ ozihebro, kẹ ohwo na obe Ebaibol Wuhrẹ na hayo ibroshọ jọ nọ u ti kiehọ uyero riẹ evaọ usu enọ ma fodẹ na.

◼ Otẹrọnọ who ti kpohọ okokohọ ubrotọ evaọ ẹwho ọfa, whọ te ruẹ evuẹ nọ i re fi obọ họ evaọ Evie Evuẹ jw.org mai, nọ who te rovie Lookup whọ vẹ jọ otọ riẹ rovie Conventions.