Iwhowhovia

◼ Ebe nọ ma te rọ kẹ ahwo evaọ January gbe February: Rehọ ibroshọ enana rọ kẹ ahwo: Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ, hayo Whọ Rẹ Sae Jọ Ogbẹnyusu Ọghẹnẹ! jẹ daoma mu obe-uwuhrẹ họ. Nọ who te zihe bru ohwo, kẹe obe Ebaibol Wuhrẹ na hayo ibroshọ jọ nọ o fo kẹe evaọ usu enọ ma fodẹ na. March gbe April: Uwou-Eroro Na avọ Awake! Who te zihe bru ohwo, kẹe obe Ebaibol Wuhrẹ na hayo ibroshọ jọ nọ o fo kẹe evaọ usu Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ, jẹ daoma mu obe-uwuhrẹ họ.

◼ Eva e be were omai nọ ma be rọ vuẹ owhai nọ evaọ ukpe 2013, a ti ru ikokohọ esese erọ Obọ rọ t’Ẹme America (ASL) evaọ eria nana: Badagry, March 16-17 gbe August 18; Benin City, February 8-9 gbe June 30; Ibadan, March 23-24 (obọ Lekki a te jọ ru okokohọ obọdẹ evaọ June 9); Kwali, February 16 gbe June 22-23; Lekki, March 30-31 gbe June 8; Uli, February 24 gbe May 4-5. A ti je ru okokohọ ẹvẹrẹ French evaọ: Badagry, March 24 gbe June 15-16. Ẹvẹrẹ Obọ rọ t’Ẹme America gbe French ọvo a ti ro ru ikokohọ enana. Ahwo nọ a rẹ sae ta hayo wo otoriẹ evẹrẹ nana a sae kpohọ ikokohọ enana.

◼ No March 2013 rite August 2013, esẹro okogho e te kẹ ovuẹ ogbotu nọ uzoẹme riẹ o rrọ ‘Usi Uwoma Rọkẹ Erẹwho, Erua, gbe Evẹrẹ Kpobi.’

◼ Uwou-Eroro gbe Awake! ekpokpọ e tẹ nwani kpozi a rẹ rehọ ae kẹ iwhowho-uvie na. Onana o te lẹliẹ inievo na se ai jẹ riẹ eware nọ e rrọ ae eva. Ẹsejọhọ a te jarai ruẹ uzoẹme jọ hayo emagazini jọ nọ a gwọlọ dhesẹ kẹ ohwo nọ a bi wuhrẹ Ebaibol hayo ohwo nọ a zihe bru. A rẹ kẹ inievo na uvẹ re a rehọ emagazini ekpokpọ na kẹ ohwo oke kpobi nọ u je rai.