Iwhowhovia

◼ Ebe nọ ma te rọ kẹ ahwo evaọ March gbe April: Uwou-Eroro Na avọ Awake! Who te zihe bru ohwo, kẹe obe Ebaibol Wuhrẹ na hayo ibroshọ jọ nọ o fo kẹe evaọ usu Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ, jẹ daoma mu obe-uwuhrẹ họ. May gbe June: Rehọ emebe-evẹvẹ nọ wha wo rọ ta usiuwoma. Ohwo jọ o te dhesẹ isiuru, rehọ obe Ebaibol Wuhrẹ na, hayo ibroshọ Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ mu obe-uwuhrẹ họ kugbei.

◼ A ti ru Ekareghẹhọ na evaọ Edivẹ-Oka, March 26, 2013. Otẹrọnọ ikoko buobu e be jọ Ọgwa Uvie na ru iwuhrẹ yọ o lọhọ họ re wha fi ewuhrẹ na họ ẹdẹ ọfa, wha sae kpairoro vrẹ ewuhrẹ na. O tẹ via ere, yọ eme jọ evaọ Ewuhrẹ Odibọgba na i kpomahọ ukoko rai gaga, ọnọ o re koko iruẹru ugboma ekpako na họ ọ sai ru re a fi ae ba Ewuhrẹ Odibọgba ọfa evaọ amara na. Ikoko nọ i wo ọsẹro okogho a rẹ kpare ewuhrẹ nọ a hai ru Edivẹ-Oka na kpohọ ẹdẹfa evaọ oka na.