Iwhowhovia

◼ Ebe nọ ma te rọ kẹ ahwo evaọ May gbe June: Rehọ emebe-evẹvẹ nọ wha wo rọ ta usiuwoma. Ohwo jọ o te dhesẹ isiuru, rehọ obe Ebaibol Wuhrẹ na hayo ibroshọ ọ Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ ro mu obe-uwuhrẹ họ kugbei. July gbe August: Emamọ Usi Nọ U No Obọ Ọghẹnẹ Ze! hayo ibroshọ nana: Gaviezọ kẹ Ọghẹnẹ hayo Gaviezọ kẹ Ọghẹnẹ re Whọ Rria Bẹdẹ Bẹdẹ, Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No? Nọ whọ tẹ be ta usiuwoma kẹ ohwo Muslim kẹe ibroshọ na Real Faith—Your Key to a Happy Life hayo The Guidance of God—Our Way to Paradise.

◼ Otẹrọnọ a fi owhẹ họ ehwa evaọ obọ ẹsipito yọ whọ gwọlọ nọ ekpako ukoko na hayo ekpako nọ a ro mu Utu-Iweze bru Enọ E be Mọ nọ e rrọ ikpewho efa a riẹ odẹ ra, eme o gwọlọ nọ who re ru? Nọ who te bi dhesẹ omara kẹ ahwo ẹsipito na inọ whẹ Osẹri Jihova, ta kẹ ae re nọ Isẹri Jihova jọ a ti weze bru owhẹ ze. Onana o rrọ ere, keme Uzi Nigeria kpahe ẹsipito o ta nọ ahwo ẹsipito a rẹ fodẹ odẹ ra hayo evuẹ kpahe owhẹ kẹ amọfa ha, rekọ otẹrọnọ whọ gwọlọ, uzi na o kuvẹ nọ ekpako na a rẹ sae riẹ nọ a fi owhẹ họ ehwa evaọ ẹsipito, a ve je weze bru owhẹ ze re a bọ owhẹ ga.