EWARE AGHAE NỌ E RRỌ EBAIBOL NA | JERIMAYA 51-52
Ẹme Jihova Kpobi O re Rugba
Jihova ọ ruẹaro gbagba kpahe eware nọ e te via evaọ obaro
Uzei ohwo Pasia nọ o bi rou uwou ovie
“Wha thọ ese na!”
Ahwo Midia gbe Pasia a riẹ epanọ a rẹ sa ese ziezi yọ eye a rẹ mai ro fi ẹmo. A rẹ thọ ese rai piọpiọpiọ re e sai du ruọ oware ziezi
“Egba ẹmo Babilọn a seri ẹmo ofio họ no”
Iruẹru Nabonidọs jọ e ta nọ: “Ogbaẹmo Sairọs a ruọ eva Babilọn ababọ ohọre.” Onana u dhesẹ nọ egbaẹmo ivẹ na a rọ ovao dhe ovao họre he nwane rọwokugbe eruẹaruẹ Jerimaya
Iruẹru Nabonidọs
“Babilọn o reti zihe ruọ ezuzu . . . o vẹ jọ ofofe bẹdẹ bẹdẹ”
No emuhọ ukpe 539 B.C.E. ze, erru Babilọn o te muhọ ẹhiẹ. Alẹkzanda Ologbo na ọ jẹ gwọlọ ru Babilọn fihọ okpẹwho esuo riẹ, rekọ o te whu idudhe. No emuhọ ikpe-udhusoi ọsosuọ vrẹ, ahwo Ju jọ a gbẹ jẹ rria Babilọn nọ o wha riẹ ze nọ Pita ukọ na o ro weze kpohọ obei. Rekọ no ikpe-udhusoi avọ ene ze evaọ ekele mai na, yọ okpẹwho na o zihe ruọ ofofe no, nọ ohwo ọvo ọ gbẹ jẹ rria ha