Rọ Ọwhọ Rẹro avọ Ithihakọ

Anwọ bro ikpe ena whọ be rọ hẹrẹ Uvie Ọghẹnẹ na? Kọ who gbe bi thihakọ hẹrẹ ghelọ ọbẹwẹ? (Rom 8:25) Inievo jọ a be reoja omukpahọ, ẹlahiẹ, ekarọ, gbe uwhu nọ a bi ro se ozọ họ ejọ ẹro dede. Efa jọ i bi lele owho gbe ẹyao muabọ re.

Eme o re fiobọhọ kẹ omai thihakọ hẹrẹ ghelọ odawọ kpobi nọ u te omai kẹhẹ? Ma re se Ebaibol na je roro didi kpahe eware nọ ma bi se na re ẹrọwọ mai ọ ruẹse ga ziezi. Ma rẹ jẹ tẹrovi ẹruore mai na. (2Kọ 4:16-18; Hib 12:2) Ma rẹ lẹ se Jihova jẹ yare iẹe re ọ rọ ẹzi ọfuafo riẹ kẹ omai ẹgba. (Luk 11:10, 13; Hib 5:7) Ọsẹ oyoyou mai na ọ sai fiobọhọ kẹ omai “thihakọ eware kpobi avọ odiri gbe oghọghọ.”—Kọl 1:11.

WHA RRI IVIDEO NA MA RẸ RỌ “ITHIHAKỌ DHẸ OHRẸ” NA HRỌ—JỌ U MU OWHẸ ẸRO NỌ WHO TI WO OSA NA, KẸSENA WHA VẸ KẸ IYO ENỌ NANA:

• 

  Eware vẹ nọ ma rẹro rai hi e rẹ sae via kẹ omai evaọ uzuazọ? (Ọt 9:11)

• 

  Ẹvẹ olẹ o sai ro fiobọhọ kẹ omai nọ ma tẹ rẹriẹ ovao ku edawọ?

• 

  Otẹrọnọ ma gbẹ be sai ru te epanọ ma jẹ hai ru vẹre evaọ egagọ Jihova ha, fikieme u ro woma re ma tẹrovi umutho eware nọ ma be sai ru?

• 

  Eme o bi fiobọhọ kẹ owhẹ thihakọ re whọ sai wo osa na?