Kọ Whọ Sae Ta Oware nọ Whọ Rọwo?

Ohwo jọ ọ tẹ nọ owhẹ nọ fikieme whọ rọ rọwo nọ Ọghẹnẹ họ ọnọ ọ ma eware kpobi, eme whọ te ta? Re whọ sae kuyo onọ nana ududu, o gwọlọ nọ who re ru eware ivẹ jọ: Orọ ọsosuọ, o rẹ kaki mu owhẹ ẹro inọ Ọghẹnẹ họ ọnọ ọ ma eware kpobi. (Rom 12:​1, 2) Orọ avivẹ, whọ rẹ riẹ oghẹrẹ nọ whọ sae rọ ta oware nọ whọ rọwo na kẹ amọfa.​—Itẹ 15:28.

WHA RRI IVIDIO NA EDỌKITA NỌ Ọ RẸ BẸRE EZO-OMA Ọ TA OWARE NỌ Ọ RỌWO GBE ỌWENA ERAO JỌ Ọ TA OWARE NỌ Ọ RỌWO RE WHA RUẸ OWARE NỌ AMỌFA A RỌ RỌWO NỌ ỌGHẸNẸ HỌ ỌNỌ Ọ MA EWARE KPOBI, KẸSENA WHA VẸ KIYO ENỌ NANA:

• 

  Fikieme Irène Hof Laurenceau ọ rọ rọwo nọ ẹma a ma eware kpobi orọnikọ i hrerẹ ze he?

• 

  Fikieme Yaroslav Dovhanych ọ rọ rọwo nọ ẹma a ma eware kpobi orọnikọ i hrerẹ ze he?

• Oghẹrẹ vẹ whọ sae rọ ta kẹ amọfa kpahe oware nọ o lẹliẹ owhẹ rọwo nọ Ọghẹnẹ họ ọnọ ọ ma eware kpobi?

• Eware jọ vẹ ukoko na u ru no evaọ ẹvẹrẹ ra nọ e rẹ sai fiobọhọ kẹ owhẹ gbe amọfa wo imuẹro nọ Ọghẹnẹ họ ọnọ ọ ma eware kpobi?