Salọ Emamọ Egbẹnyusu

Oware nọ o via kẹ ahwo Izrẹl evaọ otọ opraprara Moab na yọ unuovẹvẹ rọkẹ Ileleikristi. (1Kọ 10:6, 8, 11) Eyae ahwo Moab nọ e rẹ gọ edhọ je gbe-ọfariẹ nọ ahwo Izrẹl jọ a je lele nya usu, u ru nọ a rọ bẹbẹ ae họ raha uzi Jihova. Onana o tẹ wha okpẹtu ologbo ze. (Ik 25:9) Nẹnẹ na, ma re ru eware kugbe ahwo nọ ma gbe bi ru iruo, ibe emọ-isukulu mai, ahwo nọ ma gbẹ be rria oria, imoni mai, gbe amọfa, rekiyọ a be gọ Jihova ha. Eme iku Ebaibol nana o rẹ sai wuhrẹ omai kpahe enwoma nọ e rẹ sai noi ze nọ ma te mu usu okpekpe kugbe ahwo nọ a be gọ Jihova ha?

WHA RRI IVIDIO NA IRIRUO UNUOVẸVẸ RỌKẸ EDẸ MAI​—AMABỌ JỌ RIẸ, KẸSENA WHA VẸ KIYO ENỌ NANA:

• 

  Ekpehre iroro vẹ Zimrae gbe amọfa a jẹ kọ họ Jemin eva?

• 

  Oghẹrẹ vẹ Finihas o ro fiobọhọ kẹ Jemin rri otọ mu?

• Ohẹriẹ vẹ o rrọ ahwo nọ a be gọ Jihova ha nọ ma rẹ whẹtiẹ họ oma gheghe avọ usu okpekpe nọ ma re mu kugbe ai?

• Fikieme u ro fo nọ ma rẹ yọroma nọ ma tẹ be salọ ahwo nọ a rẹ jọ egbẹnyusu ekpekpe mai makọ evaọ ukoko na?

• Fikieme u ro fo re ma whaha ahwo nọ ma riẹ hẹ nọ ma re lele ta ẹme evaọ itu nọ ahwo a re jo kuomagbe ta ẹme evaọ itanẹte nọ a re se chat groups?