Whọ Kuvẹ re Isiuru Ra E Kpọ Owhẹ Hẹ

Fikinọ ma gba ha, o rẹ jọ bẹbẹ ẹsejọ re ma kpọ isiuru mai. Nọ ma tẹ kuvẹ re isiuru mai e kpọ omai, o sae raha usu nọ ma wo kugbe Jihova no. Wọhọ oriruo, ahwo jọ a se emuore, iwu, gbe iwou gboja vi uyoyou nọ a re wo kẹ Ọghẹnẹ. Amọfa a rẹ la izi Ọghẹnẹ vrẹ nyai gbe-ọfariẹ fiki isiuru owezẹ ọzae-avọ-aye. (Rom 1:26, 27) Yọ ahwo jọ a rẹ kuvẹ re ehwa rai hayo amọfa a tunye ai ru oware nọ u fo ho, fikinọ a gwọlọ ru eva were ae.—Ọny 23:2.

Kọ ẹvẹ ma sae rọ kpọ isiuru mai? Ma rẹ daoma re ma ru eware nọ e rẹ were Jihova. (Mt 4:4) U te no ere no, u fo nọ ma lẹ se Jihova re o fiobọhọ kẹ omai kpọ isiuru mai. Fikieme ma rọ ta ere? Keme Jihova họ ọnọ ọ riẹ oware nọ u woma kẹ omai, ọ tẹ jẹ riẹ oghẹrẹ nọ o ti ro ru ẹgwọlọ mai kpobi gba kẹ omai.—Ol 145:16.

WHA RRI IVIDIO NA WHỌ KUVẸ RE ISIGARETI E RAHA UZUAZỌ RA KUFIẸ HẸ, KẸSENA WHA VẸ KIYO ENỌ NANA:

• 

  Fikieme ahwo jọ a re ro vovo isigareti?

• 

  Eme isigareti ivovo e sai ru ohwo?

• 

  Fikieme o rọ thọ re a vovo isigareti hayo se ọko?—2Kọ 7:1

• 

  Ẹvẹ ohwo ọ sae rọ siọ isigareti ba evovo?