Orọo O rẹ Jọ Bẹdẹ Bẹdẹ

Orọo Oleleikristi nọ o rrọ ziezi o rẹ wha orro se Jihova jẹ wha oghọghọ se ọzae-avọ-aye na. (Mak 10:9) Re ọzae-avọ-aye a sai wo evawere evaọ orọo rai, o gwọlọ nọ a re ru lele ehrẹ Ebaibol nọ a tẹ be salọ ohwo nọ a rẹ rọo.

Taure who te ti mu usu orọo họ ẹnya, ruẹ nọ whọ “vrẹ udhudhu ọmoha no,” koyehọ oke nọ isiuru owezẹ e rẹ rọ jọ gaga nọ u re ru ei bẹbẹ re whọ sae jẹ emamọ iroro. (1Kọ 7:36) Rehọ oke nọ whọ re rọo ho na ru usu ra kugbe Jihova ga ziezi je wo emamọ iruemu Oleleikristi. Nọ who te ru ere, ẹsiẹe whọ sai ro ru orọo ra ga ziezi je wo evawere nọ whọ tẹ rọo no.

Taure whọ tẹ te rọwo nọ whọ rẹ ruọ orọo kugbe ohwo jọ, daoma riẹ oghẹrẹ nọ ohwo na ọ rrọ evaọ obeva, koyehọ “ohwo odidi obọ udu na.” (1Pi 3:4) Otẹrọnọ who muẹrohọ eware jọ nọ e were owhẹ hẹ, lele ohwo nọ whọ gwọlọ rọo na ta kpahe ae. Usu kpobi nọ imava na a be jọ gwọlọ ewoma ohwohwo o rẹ tọ ziezi. Fikiere, u fo nọ oware nọ whọ rẹ sai ru re evawere e jọ orọo na whọ rẹ mae tẹrovi, orọnikọ oware nọ who ti wo no orọo na ze he. (Fil 2:3, 4) Nọ who te ru lele ehrẹ Ebaibol taure whọ tẹ te rọo, orọo ra o te jọ gaga ziezi, yọ who ti wo evawere evaọ orọo na.

WHA RRI IVIDIO NA OMARUẸRẸKPAHE KẸ ORỌO—ABỌ AVỌ 3: “RORO ARAHA NA,” KẸSENA WHA VẸ KIYO ENỌ NANA:

• Ẹvẹ usu oniọvo-ọmọtẹ na avọ Shane o jọ?

• Eme oniọvo-ọmọtẹ na o muẹrohọ evaọ usu na?

• Oghẹrẹ vẹ ọsẹgboni riẹ a ro fiobọhọ kẹe, kọ emamọ iroro vẹ ọ jẹ?