UZUAZỌ OLELEIKRISTI
Epanọ Ma Sae rọ Whaha Uruemu Meti Meti
Nọ ohwo o te wo uruemu meti meti, oware nọ ọ rẹ sai ru hayo nọ u fo nọ o re ru obọnana, o re goi kpohọ obaro. Oke nọ Jihova ọ kẹ Jehu iruo inọ jọ o kpe ahwo uviuwou Ehab muotọ, o dhesẹ uruemu meti meti vievie he. (2Iv 9:6, 7, 16) Ahwo jọ a rẹ ta nọ: “Ẹsejọhọ mẹ te họ-ame nọ imikpe jọ e tẹ vrẹ no.” “Uviemenẹ, mẹ te daoma hai se Ebaibol kẹdẹ kẹdẹ.” “Me ti mu ọkobaro oke-kpobi họ nọ me te wo emamọ iruo no.” Ebaibol na ọ sai fiobọhọ kẹ omai whaha uruemu meti meti evaọ eware jọ nọ ma bi ru evaọ egagọ Jihova.
Ẹvẹ eria Ebaibol nana e sai ro fiobọhọ kẹ omai whaha uruemu meti meti?