AVA 19-25

EWARE AGHAE NỌ E RRỌ EBAIBOL NA

1. ‘Me re Jiri Owhẹ, O Jihova’!

(Iminiti 10)

A rẹ ruẹ unu gbiku oghẹrẹ nọ Jihova ọ be riẹ omai ru te he (Ol 8:3-6; w21.08 3 ¶6)

Ma rẹ rọ evawere jiri Jihova. Edhere jọ nọ ma re ro ru ere họ, amọfa nọ ma rẹ vuẹ kpahe iruo igbunu riẹ (Ol 9:1; w20.05 23 ¶10)

Edhere ọfa nọ ma re ro jiri ei họ, ma rẹ so ile no udu mai kpobi ze (Ol 9:2; w22.04 7 ¶13)

Iwoho na: Idhere sa-sa nọ ma sai ro jiri Jihova. 1. Oniọvo-ọmọtẹ nọ ọ kpako no ọ be ta usi uwoma kẹ ohwo nọ ọ be rẹrotei. 2. Inievo nọ e be so ile evaọ ewuhrẹ. 3. Ọmọzae nọ ọ kpare obọ re ọ kẹ uyo evaọ ewuhrẹ. 4. Ọmọzae nọ o bi ririe Ọgwa Uvie rai. 5. Oniọvo-ọmọtẹ nọ ọ be ta usi uwoma kẹ ọmọtẹ nọ a gbẹ rrọ eklase.

NỌ OMARA NỌ, ‘Idhere efa vẹ mẹ sai ro jiri Jihova?’

2. Eware Aghae nọ Whọ Kiẹ Via

(Iminiti 10)

Ol 8:3—Eme ọso-ilezi na o wo họ iroro nọ ọ ta kpahe iziabọ Ọghẹnẹ? (it-1 832)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 10:1-18 (th uwuhrẹ 11)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 3) NO UWOU RUỌ UWOU. Ohwo nọ whọ be ta usi uwoma kẹ na ọ vuẹ owhẹ nọ ọ rọwo nọ Ọghẹnẹ ọ rrọ họ. (lmd uwuhrẹ 5 ugogo ẹme 4)

5. Ozihebro

(Iminiti 4) USI UWOMA OKE-GHEGHE. Nọ whẹ avọ ohwo na wha kake ta ẹme, ọ rọwo nọ Ọghẹnẹ ọ rrọ họ, rekọ ọ rọwo nọ whọ vuẹe oware nọ u dhesẹ nọ Ọghẹnẹ ọ rrọ, gbe nọ ọye ọ ma eware kpobi. (th uwuhrẹ 7)

6. Ẹme nọ A re Ru Ovavo

(Iminiti 5) w21.06 6-7 ¶15-18—Uzoẹme: Fiobọhọ kẹ Ohwo nọ Who bi Wuhrẹ Ebaibol re O Jiri Jihova. (th uwuhrẹ 10)

UZUAZỌ OLELEIKRISTI

7. Epanọ A Sae rọ Rehọ Ẹmẹrera Ruọ Ẹme Evaọ Usi Uwoma Oke-Gheghe

(Iminiti 10) Ẹme nọ a rẹ kpahe fihọ.

Edhere jọ nọ ma sai ro jiri Jihova ziezi họ, nọ ma tẹ be hae ta usi uwoma kẹ ahwo nọ ma nyaku ghelọ oria kpobi nọ ma rrọ kẹhẹ. (Ol 35:28) Evaọ oke ọsosuọ, omozọ o sae jọ omai ẹro re ma ta usi uwoma oke-gheghe. Rekọ, ma tẹ riẹ oghẹrẹ nọ ma re ro mu ẹme na họ gbe epanọ ma rẹ rọ rehọ ẹmẹrera tae ruọ ohwo na oma, usi uwoma oke-gheghe o gbẹ te bẹ omai hi, u ve ti tube mu omai họ ẹwere.

Uwoho nọ a rehọ no ividio na ze “Hai Whowho ‘Usi Uwoma Udhedhẹ Na’—Daoma Mu Ẹme Họ Kugbe Ahwo.” Oniọvo-ọmọtẹ nọ ọ be ta usi uwoma kẹ aye nọ ọ keria kẹle iẹe evaọ oria nọ a rẹ jọ re emu.

Kporo IVIDIO na Hai Whowho “Usi Uwoma Udhedhẹ Na”—Daoma Mu Ẹme Họ Kugbe Ahwo. Kẹsena whọ vẹ nọ ogbotu na onọ nana:

Eme whọ jọ ividio na wuhrẹ nọ o rẹ sai fiobọhọ kẹ owhẹ ta usi uwoma oke-gheghe ziezi?

Uyo ra

Eware jọ nọ e rẹ sai fiobọhọ kẹ owhẹ riẹ oghẹrẹ nọ who re ro mu ẹme họ:

Oke kpobi nọ who te no uwou, rọ uvẹ kpobi nọ u rovie ta usi uwoma. Lẹ se Jihova re o fiobọhọ kẹ owhẹ ruẹ ahwo nọ whọ rẹ sae ta usi uwoma kẹ
Hae whẹtiẹ ahwo họ oma jẹ daoma riẹ epanọ eware e rrọ kẹ ae. Whọ tẹ riẹ emeware jọ kpahe ohwo na, u ti fiobọhọ kẹ owhẹ riẹ oria Ebaibol nọ o sae were iẹe
Rehọ adrẹse hayo inọmba ifonu ohwo na, who te rri nọ u kiehọ ere
Otẹrọnọ whọ sae ta usi uwoma re wha te ti ku ẹme na họ họ, jọ o kẹ owhẹ uye he
Wha te ku ẹme na họ no, gbẹ hai wo ohwo na họ iroro. Hae jọ jw.org vi ilinki eria Ebaibol hayo izoẹme jọ sei

Dao onana: Ohwo jọ ọ tẹ nọ owhẹ evaọ Ẹdọvo-Oka nọ, ‘Kọ obọ uwou kpobi?,’ vuẹe kpahe oware jọ nọ whọ jọ obọ Ọgwa Uvie wuhrẹ evaọ Ẹdoka hayo usi uwoma nọ whọ nya.

AVA 19-25

OLEZI 8-10

Ole avọ 2 gbe Olẹ | Ẹme Emuhọ (Iminiti 1)