ANE 8-14
OLEZI 26-28
Ole avọ 34 gbe Olẹ | Ẹme Emuhọ (Iminiti 1)
1. Oware nọ Devidi O Ru re Ẹrọwọ Riẹ Ọ Ga Ziezi
(Iminiti 10)
Devidi ọ lẹ se Jihova re o fiobọhọ kẹe jọ emamọ ohwo (Ol 26:1, 2; w04 12/1 24 ¶8-9)
Devidi o mu ikpehre egbẹnyusu hu (Ol 26:4, 5; w04 12/1 24-25 ¶12-13)
O jẹ were Devidi gaga re ọ gọ Jihova (Ol 26:8; w04 12/1 25-26 ¶17-18)
Dede nọ eware e thọ Devidi obọ, a dhesẹ Devidi wọhọ ohwo nọ ọ ‘rehọ udu riẹ kpobi nya lele’ Jihova. (1Iv 9:4) Eware nọ Devidi o ru gbe epanọ o you Jihova te u dhesẹ nọ ọ jẹ ginẹ rọ udu riẹ kpobi gọ Jihova.
2. Eware Aghae nọ Whọ Kiẹ Via
(Iminiti 10)
Ol 27:10—Ẹvẹ oria Ebaibol nana u re ro fiobọhọ kẹ omai nọ egbẹnyusu mai a tẹ siọ omai? (w06 8/1 15 ¶15)
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?
3. Isase Ebaibol
(Iminiti 4) Ol 27:1-14 (th uwuhrẹ 2)
4. Epanọ A re ro Mu Ẹme Họ
(Iminiti 2) NO UWOU RUỌ UWOU. Jọ oria Ẹkpẹti Ekwakwa Ewuhrẹ na rehọ obe-ovẹvẹ jọ ta usi uwoma. (th uwuhrẹ 3)
5. Ozihebro
(Iminiti 4) NO UWOU RUỌ UWOU. Evaọ oke ọsosuọ nọ whọ rọ ruẹ ohwo na, whọ kẹ riẹ obe-ovẹvẹ jọ. Ta kpahe onọ nọ o rrọ obemu obe-ovẹvẹ na. Dhesẹ jw.org kẹe jẹ vuẹe eware jọ nọ ọ rẹ sae jọ etẹe ruẹ. (lmd uwuhrẹ 9 ugogo ẹme 3)
6. Ẹme nọ A re Ru Ovavo
(Iminiti 5) lmd ẹme-ofiba 1 ugogo ẹme 3—Uzoẹme: A ti Ru Akpọ na Fihọ Aparadase. (th uwuhrẹ 13)
Ole avọ 128
7. Izoge nọ E Kẹnoma kẹ Ọfariẹ-Ogbe
(Iminiti 15) Ẹme nọ a rẹ kpahe fihọ.
Izoge nọ e rrọ ukoko Jihova a rẹ daoma gaga re a kẹnoma kẹ ọfariẹ-ogbe. A gba ha, yọ ohwo ọ tẹ rrọ uzoge, isiuru owezẹ e sae jọ gaga, yọ onana o sai ru ei jọ bẹbẹ re a ru oware nọ u kiehọ. (Rom 7:21; 1Kọ 7:36) U te no ere no, amọfa a rẹ gwọlọ bẹbẹ ae họ re a gbe-ọfariẹ, te orọ ezae nọ i re lele ezae wezẹ hayo eyae nọ i re lele eyae wezẹ. (Ẹf 2:2) Whai izoge kpobi nọ e be kẹnoma kẹ uruemu nana, ma rẹ rọ owhai seha.
Kporo IVIDIO na Nọ Mẹ Rrọ Ikpe Ikpegbọ Na—Ẹvẹ Mẹ Sae rọ Whaha Ọfariẹ-Ogbe? Kẹsena whọ vẹ nọ ogbotu na enọ nana:
Ekpehre uruemu vẹ amọfa a jẹ gwọlọ bẹbẹ Cory avọ Kamryn fihọ?
Eme o fiobọhọ kẹ ae kẹnoma kẹ ọfariẹ-ogbe?
Ehrẹ Ebaibol vẹ e rẹ sai fiobọhọ kẹ owhẹ nọ oghẹrẹ oware utioye o tẹ via kẹ owhẹ?
8. Uwuhrẹ Ebaibol Ukoko
(Iminiti 30) bt uzou 8 ¶5-12