ASOI 6-12

EWARE AGHAE NỌ E RRỌ EBAIBOL NA

1. “Jọ Eva E Dha Owhẹ Hẹ Fiki Ahwo Omuomu”

(Iminiti 10)

Ahwo omuomu a re gboja kẹ omai (Ol 36:1-4; w17.04 10 ¶4)

Ma te bi fi ẹgo họ eva fiki eware nọ “ahwo omuomu” a bi ru omai, yọ ma be wha uye se omamai (Ol 37:1, 7, 8; w22.06 10 ¶10)

Ma te fievahọ eyaa Jihova, o rẹ lẹliẹ udu te omai otọ (Ol 37:10, 11; w03 12/1 26 ¶20)

Oniọvo-ọmọtẹ nọ ọ rrọ awawa fiki eware nọ e via nọ o bi rri evaọ ifonu riẹ. O bi rri uwoho ahwo nọ a bi luje nọ eva e be dha krekrekre, ipolisi nọ ọ be re udi, isoja nọ e be sa ugbeke, ohwo omuomu nọ ugbeke o rrọ obọ evaọ oria nọ a rẹ dhẹ imoto fihọ, iji nọ e be kwa eware ahwo rehọ, ahwo nọ a be wọso egọmeti nọ a bi ru ozighi, gbe ahwo nọ a dhogbo bru omoto nọ o wo asidẹnte.

NỌ OMARA NỌ, ‘Kọ mẹ be hae raha oke ga hrọ ro rri hayo gaviezọ kẹ iyẹrẹ nọ e ta kpahe eware imuomu nọ ahwo a ru?’

2. Eware Aghae nọ Whọ Kiẹ Via

(Iminiti 10)

Ol 36:6—Eme o sae jọ nọ ọso-ilezi na o wo họ iroro nọ ọ ta nọ ẹrẹreokie Jihova ọ wọhọ “igbehru ilogbo [hayo, “igbehru Ọghẹnẹ,” ẹme-obotọ]”? (it-2 445)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 37:1-26 (th uwuhrẹ 10)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 3) NO UWOU RUỌ UWOU. (lmd uwuhrẹ 1 ugogo ẹme 5)

5. Ozihebro

(Iminiti 4) USI UWOMA OKE-GHEGHE. Ta kẹ ohwo jọ nọ ọ rọwo wuhrẹ Ebaibol evaọ oke nọ u kpemu hu inọ whọ gwọlọ wuhrẹ Ebaibol kugbei. (lmd uwuhrẹ 9 ugogo ẹme 4)

6. Ẹme nọ A re Ru Ovavo

(Iminiti 5) ijwbv 45—Uzoẹme: Eme Họ Otofa Eme nọ E Rrọ Olezi 37:4? (th uwuhrẹ 13)

UZUAZỌ OLELEIKRISTI

7. Kọ Whọ Ruẹrẹ Oma Kpahe kẹ “Oke Idhọvẹ” No?

(Iminiti 15) Ẹme nọ a rẹ kpahe fihọ.

Evaọ akpọ na soso, inievo mai a be ruẹ uye, yọ eware e be raha ku ai fiki eware okpẹtu nọ e be via gbe enọ ahwo-akpọ a rọ obọ so. (Ol 9:9, 10) Uzẹme riẹ họ, eware “idhọvẹ” e sae via idudhe, fikiere u fo re mai kpobi ma ruẹrẹ oma kpahe taure eware okpẹtu e tẹ te via.

U te no eware nọ ma rẹ rọ kuọ omamai nọ ma rẹ ruẹrẹ kpahe no,a eme ọfa o ti fiobọhọ kẹ omai thihakọ nọ oware okpẹtu o tẹ via?

Ruẹrẹ udu ra kpahe: Riẹ nọ oware okpẹtu o rẹ sae via kẹ ohwo kpobi, fikiere roro kpahe oware nọ who ti ru nọ oware otiọye o tẹ via. Whọ ta vievie he inọ ‘Mẹ avọ ekwakwa mẹ ma gbe whuẹ.’ Onana u ti fiobọhọ kẹ whẹ sae dhẹ vẹrẹ vẹrẹ siọ ekwakwa ra ba nọ o tẹ gwọlọ ere, re whọ sai siwi uzuazọ ra gbe orọ amọfa. Whọ gbẹ te dhogbo epanọ whọ te rọ kwa eware ra ha. (Emu 19:16; Ol 36:9) U te no ere no, nọ oware okpẹtu na o tẹ via vrẹ no, who gbe ti bruenu hrọ họ fiki eware ra nọ e raha no.—Ol 37:19
Ru eware nọ e rẹ lẹliẹ owhẹ si kẹle Jihova: Jọ u mu owhẹ ẹro ziezi nọ Jihova ọ te rẹrote owhẹ, yọ u no rie eva ze nọ o re ru ei. (Ol 37:18) Taure oware okpẹtu o tẹ te via, hae kareghẹhọ ẹsikpobi nọ Jihova ọ rẹ thọ idibo riẹ jẹ rẹrote ai o tẹ make rọnọ “uzuazọ” rai ọvo u te uwou.—Jer 45:5; Ol 37:23, 24

Ma tẹ be hae kareghẹhọ ẹsikpobi nọ Jihova o ti ru eyaa riẹ gba, ma te dhẹ bru Jihova re ọ jọ “oria adhẹzọ [mai] evaọ oke uye.” —Ol 37:39.

Iwoho na: Iwoho nọ a rehọ no ividio na ze “Kọ Whọ Ruẹrẹ Oma Kpahe kẹ Oware Okpẹtu No?” 1. Oniọvo-ọmọzae nọ o bi se Ebaibol. 2. Ẹkporo ọgaga nọ o bi fi. 3. Ehru nọ o bi gaga. 4. Ahwo nọ owhe o ku uwou rai nọ a be kwa eware rai.

Kporo IVIDIO na Kọ Whọ Ruẹrẹ Oma Kpahe kẹ Oware Okpẹtu No? Kẹsena whọ vẹ nọ ogbotu na enọ nana:

Oghẹrẹ vẹ Jihova o re ro fiobọhọ kẹ omai nọ oware okpẹtu o tẹ via?

Uyo ra
Eme gbe eme ma re ru rọ ruẹrẹ oma kpahe?

Uyo ra
Ẹvẹ ma sai ro fiobọhọ kẹ ahwo nọ eware okpẹtu e via kẹ?

Uyo ra

8. Uwuhrẹ Ebaibol Ukoko

(Iminiti 30) bt uzou 9 ¶8-16

Ẹme Ekuhọ (Iminiti 3) | Ole avọ 57 gbe Olẹ

a Rri Awake! 2017, Ọrọ avọ 5, ẹwẹ-obe avọ 4-6.