AKPE 7-13
OLEZI 92-95
Ole avọ 84 gbe Olẹ | Ẹme Emuhọ (Iminiti 1)
1. Re Ma Gọ Jihova Họ Oware nọ O Mai Woma nọ Ma rẹ rọ Uzuazọ Mai Ru!
(Iminiti 10)
Jihova o te Ọghẹnẹ nọ ma rẹ gọ (Ol 92:1, 4; w18.04 26 ¶5)
Jihova o re fiobọhọ kẹ idibo riẹ jẹ emamọ iroro nọ e rẹ lẹliẹ eva were ae (Ol 92:5; w18.11 20 ¶8)
Ahwo kpobi nọ a be gọe a rrọ ghaghae kẹe, makọ enọ e kpako no (Ol 92:12-15; w20.01 19 ¶18)
NỌ OMARA NỌ, ‘Kọ eme ọ be whaha omẹ nọ mẹ gbẹ be rọ roma mudhe kẹ Jihova jẹ họ-ame he?’
2. Eware Aghae nọ Whọ Kiẹ Via
(Iminiti 10)
Ol 92:5—Ẹvẹ oria nana u ro dhesẹ oghẹrẹ nọ areghẹ Jihova ọ rrọ dẹẹ? (cl 176 ¶18)
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?
3. Isase Ebaibol
(Iminiti 4) Ol 94:1-23 (th uwuhrẹ 5)
4. Epanọ A re ro Mu Ẹme Họ
(Iminiti 4) USI UWOMA OKE-GHEGHE. Nọ whẹ avọ ohwo na wha bi gbiku na, rọ oghẹrẹ jọ vuẹe kpahe Ebaibol nọ who re wuhrẹ ahwo. (lmd uwuhrẹ 5 ugogo ẹme 3)
5. Ozihebro
(Iminiti 3) USI UWOMA OKE-GHEGHE. Vuẹ ohwo jọ nọ ọ gaviezọ kẹ owhẹ inọ whọ gwọlọ wuhrẹ Ebaibol kugbei. Ohwo nana ọ se uwuhrẹ Ebaibol evaọ oke nọ u kpemu. (lmd uwuhrẹ 8 ugogo ẹme 4)
6. Fiobọhọ kẹ Ahwo Zihe Ruọ Ilele
(Iminiti 5) Lele ohwo nọ who bi wuhrẹ Ebaibol, nọ o bi wo ẹnyaharo ho ta ẹme. (lmd uwuhrẹ 12 ugogo ẹme 5)
Ole avọ 5
7. Nọ Emaha E tẹ Rrọ Awawa
(Iminiti 15) Ẹme nọ a rẹ kpahe fihọ.
Awaọruọ ọ da akpọ fia nẹnẹ. Makọ ahwo nọ a be gọ Jihova dede a rẹ ruawa. Wọhọ oriruo, u wo oke sa-sa nọ Devidi ọ jẹ ruawa, yọ ere o be via kẹ inievo mai buobu nẹnẹ. (Ol 13:2; 139:23) Mai yoma na, emaha dede a be ruawa re. Ẹsejọ, eware nọ a re ru ẹsikpobi e rẹ lẹliẹ ae ruawa, eware wọhọ isukulu nọ a rẹ nya hayo ewuhrẹ ukoko nọ a rẹ nya. Awa na ọ sae lẹliẹ udu bru rai gaga hayo tubẹ lẹliẹ ae gwọlọ epanọ a re ro kpe omarai no dede.
Whai emaha na, otẹrọnọ oware jọ o be lẹliẹ owhai ruawa gaga, wha ta eva kẹ esẹgbini rai hayo ohwo jọ nọ ọ kpako no. Wha vẹ jẹ lẹ se Jihova re o fiobọhọ kẹ owhai. (Fil 4:6) O ti yo olẹ rai, o ve fiobọhọ kẹ owhai. (Ol 94:17-19; Aiz 41:10) Joma ta kpahe oniọvo-ọmọzae jọ nọ a re se Steing.
Kporo IVIDIO na Jihova Ọ Rẹrote Omẹ. Kẹsena whọ vẹ nọ ogbotu na enọ nana:
• Oria Ebaibol vẹ u fiobọhọ kẹ Steing, kọ ẹvẹ u ro fiobọhọ kẹe?
• Ẹvẹ Jihova ọ rọ rẹrotei?
Whai esẹgbini, wha ru eware nana ro fiobọhọ kẹ emọ rai nọ e be ruawa: wha hae romatotọ gaviezọ kẹ ae, wha hai dhesẹ kẹ ae nọ wha you rai, wha ve je fiobọhọ kẹ ae riẹ nọ Jihova o you rai yọ a sai fievahọ iẹe. (Tai 2:4; Jem 1:19) Wha lẹ se Jihova re ọ kẹ owhai ẹgba je fiobọhọ kẹ owhai kru udu ga re wha sai fiobọhọ kẹ emọ rai.
Nọ oniọvo jọ evaọ ukoko na ọ tẹ be ruawa, ọ gbẹ vuẹ owhẹ hẹ whọ rẹ riẹ hẹ. Whọ tẹ make riẹ dede, ẹsejọhọ whọ te riẹ epanọ oware na o be kẹe uye te he. O make rrọ ere na, ma sae bọ inievo itieye na ga nọ ma tẹ be hae ta ẹme nọ ọ rẹ lẹliẹ oma sasa ohwo kpobi evaọ ukoko na jẹ whẹtiẹ ae họ oma ziezi.—Itẹ 12:25; Hib 10:24.
8. Uwuhrẹ Ebaibol Ukoko
(Iminiti 30) bt uzou 16 ¶6-9 gbe ẹkpẹti nọ ọ rrọ ẹwẹ. 132