ASOI 19-25
ITẸ 14
Ole avọ 89 gbe Olẹ | Ẹme Emuhọ (Iminiti 1)
1. Nọ Oware Okpẹtu Ọ tẹ Via, Whọ Họrọ Oma Ru Oware Ọvo Ho
(Iminiti 10)
Whọ “rọwo ẹme kpobi” nọ who yo ho (Itẹ 14:15; w23.02 22-23 ¶10-12)
Whọ nwani ru oware kpobi nọ o ziọ owhẹ iroro ho, yọ whọ rọ oware nọ o via vrẹ no wawo onọ o rrọ otọ na ha (Itẹ 14:12)
Ahwo nọ a bi ru oware nọ ukoko Jihova ọ ta ha, whọ rọ aro kele ai hi (Itẹ 14:7)
RORO KPAHE ONANA: Whai ekpako, kọ wha ruẹrẹ oma kpahe no re wha ru oware nọ ukoko na ọ ta, nọ oware okpẹtu o tẹ via? Kọ wha be hae rẹroso Jihova nọ oware okpẹtu o tẹ rrọ otọ?—w24.07 5 ¶11.
2. Eware Aghae nọ Whọ Kiẹ Via
(Iminiti 10)
3. Isase Ebaibol
(Iminiti 4) Itẹ 14:1-21 (th uwuhrẹ 11)
4. Epanọ A re ro Mu Ẹme Họ
(Iminiti 3) USI UWOMA OTA ẸGBEDE. Se oria Ebaibol jọ kẹ ohwo nọ ọ vuẹ owhẹ nọ ẹgaga akpọ ọ be lẹliẹ ofu dhei. (lmd uwuhrẹ 3 ugogo ẹme 3)
5. Ozihebro
(Iminiti 4) NO UWOU RUỌ UWOU. Kẹ ohwo na emagazini jọ nọ ọ ta kpahe ẹme jọ nọ ọ were riẹ oke ọsosuọ nọ who ro lele iei ta ẹme. (lmd uwuhrẹ 9 ugogo ẹme 4)
6. Fiobọhọ kẹ Ahwo Zihe Ruọ Ilele
(Iminiti 5) Tuduhọ ohwo nọ who bi wuhrẹ Ebaibol awọ re ọ hai se Ebaibol kẹdẹ kẹdẹ, jẹ vuẹe epanọ ọ sai ro ru ei. (th uwuhrẹ 19)
Ole avọ 126
7. Ruẹrẹ Oma Kpahe Taure Oware Okpẹtu Ọ tẹ te Via
(Iminiti 15) Ẹme nọ a rẹ kpahe fihọ.
Ọkpako ukoko o re ru ei. Otẹrọnọ evuẹ jọ i no obọ uwou ogha hayo obọ ugboma ekpako na ze kpahe ẹme nana, ta kpahe ae.
Fikinọ “edẹ urere na” ma rrọ na, ma re rẹro nọ eware i ti dhe eyeyoma. (2Ti 3:1; eme Ebaibol uwuhrẹ ọrọ Mt 24:8, nwtsty) Taure oware okpẹtu o tẹ te via hayo nọ oware okpẹtu o tẹ be via, ukoko na o rẹ vuẹ omai oware nọ ma re ru re uzuazọ mai o gbẹ jọ ọza ha. Re ma sae zọ, o gwọlọ nọ ma rẹ hai ru eware nọ usu mai kugbe Jihova o rẹ rọ kpekpe, jẹ ruẹrẹ oma kpahe wọhọ epanọ ukoko na o be hae vuẹ omai na.—Itẹ 14:6, 8.
Ru eware nọ usu ra avọ Jihova o rọ jọ kpekpekpe: Hai se Ebaibol na kẹdẹ kẹdẹ je ru ewuhrẹ omobọ ra. Hae rọ idhere sa-sa ta usi uwoma, je ru onaa usi uwoma ota ra woma viere. Whọ ruawa ga hrọ họ nọ whọ gbẹ rrọ kugbe inievo ukoko na ha nọ oware okpẹtu o tẹ via. (Itẹ 14:30) Jihova avọ Jesu a rrọ kugbe owhẹ.—od 175-176 ¶15-17
Ruẹrẹ eware jọ nọ whọ sae rọ rẹrote omara kpahe: Ruẹrẹ ẹkpa jọ họ nọ whọ rẹ sae wọ dhẹ nọ oware okpẹtu o tẹ via idudhe. U te no ere no, jọ uviuwou kpobi a daoma wo emu, ame, ibi-imu, gbe eware itieye. Eware nana i ti fiobọhọ kẹ ae otẹrọnọ o gwọlọ nọ a re no uwou ze he evaọ omoke jọ.—Itẹ 22:3; g17.5 4
Kporo IVIDIO na Kọ Whọ Ruẹrẹ Oma Kpahe kẹ Oware Okpẹtu No? Kẹsena whọ vẹ nọ ogbotu na enọ nana:
Oghẹrẹ vẹ Jihova o re ro fiobọhọ kẹ omai nọ oware okpẹtu o tẹ via?
Eme gbe eme ma re ru rọ ruẹrẹ oma kpahe?
Ẹvẹ ma sai ro fiobọhọ kẹ ahwo nọ oware okpẹtu o via kẹ?
8. Uwuhrẹ Ebaibol Ukoko
(Iminiti 30) bt uzou 26 ¶18-22, gbe ẹkpẹti nọ ọ rrọ ẹwẹ. 209