Kọ Wha Mukpahe Ahwo Egagọ Efa?

Ma bi ru lele ohrẹ Ebaibol nọ o ta nọ ma “rọ adhẹẹ kẹ ahwo kpobi,” ghelọ oghẹrẹ egagọ kpobi nọ a rrọ kẹhẹ. (1 Pita 2:17) Wọhọ oriruo, Isẹri Jihova nọ e rrọ erẹwho jọ i bu te idu buobu. O make rrọ ere na, ma rẹ ta kẹ isu egọmeti hayo otu nọ o re fi izi orẹwho họ re a rọ oghẹrẹ jọ whaha iruẹru egagọ efa ha. Yọ ma rẹ ta kẹ ae gbe he re a fi izi jọ họ nọ e rẹ lẹliẹ ahwo ru lele eware nọ ma bi wuhrẹ. Ukpoye, ma rẹ rọ adhẹẹ kẹ ahwo egagọ efa, yọ ere ma gwọlọ mi ai re.—Matiu 7:12.