Owhe Na ri te Esiwo No Ijipti

Ahwo eree evo a zọ eva owhe na, rekọ nọ u ti kri no a te ti bu te idu ahwo buobu. Kẹsena nọ ikpe 352 e vrẹ no oke owhe na, a te yẹ Abraham. Ma wuhrẹ epanọ Ọghẹnẹ o koko eya riẹ nọ ọ rọ rehọ ọmọzae kẹ Abraham nọ a re se Aiziki. Kẹsena eva emezae ivẹ Aiziki na, Ọghẹnẹ ọ tẹ sanọ Jekọp.

Jekọp o wo uviuwou ulogbo orọ emezae 12 gbe emetẹ jọ. Emezae 10 Jekọp i te mukpahe oniọvo ọmaha rae nọ a re se Josẹf koyehọ a zẹ riẹ fihọ igbo eva Ijipti. Uwhremu na Josẹf o te ti zihe ruọ osu nọ o wo uzou gaga eva Ijipti. Nọ ohọo uyoma o ze, Josẹf ọ tẹ dao inievo riẹ sọ ae a wo enwene ubiudu. Urere riẹ, uviuwou Jekọp kpobi, Emọizrẹl na, a te kpohọ, Ijipti. Onana o via ikpe 290 nọ a yẹ Abraham no.

Eva ikpe 215 nọ i lele i rie, Emọizrẹl e tẹ ria eva obọ Ijipti. Nọ Josẹf o whu no, a te zihe ruọ erigbo eva obei. Oke u te, a te yẹ Mosisi, Ọghẹnẹ ọ tẹ rehiẹ ro siwi Emọizrẹl no Ijipti. Oma rai kpobi, ikpe 857 a gbe iku rai evaọ Abọ Avọ IVẸ.