Timoti—Ọthuke Ọkpokpọ Pọl

ỌMOHA nọ ọrọ kugbe Pọl ukọ na nọ whọ rẹ ruẹ etenẹ na yọ Timoti. Timoti ọ be ria kugbe uviuwou riẹ evaọ Listra. Odẹ oni riẹ họ Yunasi oni ologbo riẹ kọ Lois.

Onana họ orọ avesa nọ Pọl o te Listra no na. Ole ẹgbukpe hayo ere vrẹ no, Pọl avọ Banabas a kake rọ ze erẹ usiwoma ota etenẹ. Ọkpọna kọ Pọl avọ Sailas ogbẹnyusu riẹ a wariẹ zihe ze.

Kọ whọ riẹ oware nọ Pọl ọ be ta kẹ Timoti na? ‘Whọ sai kuoma gbe omẹ avọ Sailas?’ ere ọ rẹ nọ. ‘Ma rẹ sae rehọ obọ ufihọ ra ruiruo usi uwoma ovuẹ kẹ ahwo nọ athere abọ.’

‘E,’ ere Timoti o yo, ‘oruomẹ nọ mẹ rẹ nya.’ Fikiere u gbe kri hi Timoti ọ tẹ se uviuwou riẹ ba o te lele Pọl avọ Sailas. Rekọ re ma te wuhrẹ kpahe erẹ rai, j’oma gwọlọ riẹ oware nọ orọ Pọl ẹvia kẹ. Ukri te ole ikpe 17 no nọ Jesu ọ rọ via kẹe evaọ edhere nọ o je kpobọ Damaskọs.

Kareghẹhọ, Pọl ọze Damaskọs te nwa ilele Jesu oma, rekọ enẹna ọye oma riẹ okpohọ olele no! Uwhremu riẹ ewegrẹ jọ etẹ ma oma nọ a re kpe Pọl keme ewuhrẹ riẹ kpahe Jesu ọwere rae he. Rekọ ilele na i te fiobọhọ kẹ Pọl dhẹ v’abọ. A te fiei họ evaọ ekete a te siei totọ obotafe ugbẹhẹ okpẹwho na.

Uwhremu riẹ Pọl ọ tẹ nyae vuẹ ẹme na obọ Antiọk. Etenẹ akake jọ se ilele Jesu nọ Ahwo-Kristi. Koyehọ a te vi Pọl avọ Banabas no Antiọk kpo erẹ usiuwoma obọ erẹwho itherabọ. Okpẹwho jọ nọ a te họ Listra, nọ ọrọ ẹwho ọ Timoti.

Okenọ ẹgbukpe ọvrẹ no, Pọl o te zihe ze erẹ avivẹ evaọ Listra. Okenọ Timoti olele Pọl avọ Sailas, kọ whọ riẹ obonọ a nya? Riwi udhesẹ-oria na, re ma wuhrẹ eria na jọ.

Orọsosuọ a te kpobọ Aikoniọm nọ ọkẹle, je no etẹ kpohọ okpẹwho avivẹ nọ a re se Antiọk. A te no etẹ kpobọ Troas, no etẹ e lafiọ Filipai, Tẹsalonika gbe Bẹria. Kọ whọ jọ udhesẹ-oria na ruerẹ Athẹns? Pọl ọ jọ etẹe vuẹ ovuẹ. Oyena ovrẹ no a tẹ raha ẹgbukpe gbe ubro vuẹ ovuẹ evaọ Kọrint. Ukuhọ riẹ a tẹ doma ji kpẹkpẹ evaọ Ẹfẹsọs. Kẹsena a tẹ rehọ orọ okọ zihe kpobọ Sisaria, jẹ nya kpobọ Antiọk, o ria nọ Pọl ọ rẹ ria.

Fikiere Timoti okpo erẹ emaele buobu buobu je fiobọhọ kẹ Pọl vuẹ “emamọ usi” na jẹ tuọ ikoko buobu Ahwo-Kristi họ. Kọ whọ tẹ kpako no, whọ rẹ te jọ uvi odibo Ọghẹnẹ wọhọ Timoti?