Uwuhrẹ 16

Ọtamuo Ra re Whọ Gọ Ọghẹnẹ

Eme who re ru hrọ re whọ sae jọ ogbẹnyusu Ọghẹnẹ? (1, 2)

Ẹvẹ who re ru oma u ro mudhe ra kẹ Ọghẹnẹ? (1)

Okevẹ whọ sae rọ họ-ame? (2)

Ẹvẹ whọ sai ro wo ẹgba nọ who re ro kru ẹrọwọ ra ga kẹ Ọghẹnẹ? (3)

1. Re whọ sae jọ ogbẹnyusu Ọghẹnẹ, who re wo emamọ eriariẹ uzẹme Ebaibol (1 Timoti 2:3, 4), fi ẹrọwọ họ eware nọ who wuhrẹ no (Ahwo Hibru 11:6), kurẹriẹ no izieraha ra (Iruẹru 17:30, 31), je kuomarẹriẹ evaọ edhere uzuazọ ra hrọ. (Iruẹru 3:19) Kẹsiẹe uyoyou ra kẹ Ọghẹnẹ o rẹ wọ owhẹ re whọ rọ oma ra mudhe kẹe. Onana u dhesẹ nọ evaọ olẹ omobọ ra, evaọ olẹ idhere whọ vẹ ta kẹe nọ whọ be rehọ oma ra kẹe re who ru oreva riẹ.—Matiu 16:24; 22:37.

2. Nọ whọ tẹ r’oma ra mudhe kẹ Ọghẹnẹ no, whọ vẹ họ-ame. (Matiu 28:19, 20) Ame-ọhọ o rẹ jẹ ahwo kpobi riẹ nọ whọ rehọ oma ra mudhe kẹ Jihova no. Fikiere ame-ọhọ ọrọ kẹ ahwo nọ e kpako no ọvo enọ e sae jiroro nọ a rẹ g’Ọghẹnẹ. Okenọ ohwo ọ tẹ be họ-ame, a re duwu oma riẹ kpobi fihọ ame evaọ ubroke.a—Mak 1:9, 10; Iruẹru 8:36.

3. Nọ whọ tẹ rọ oma mudhe no, Jihova o re rẹro nọ whọ rria te eyaa ra. (Olezi 50:14; Okokahwohọ 5:4, 5) Ẹdhọ ọ te daoma re ọ whaha owhẹ re whọ se Jihova ba ẹgọ. (1 Pita 5:8) Rekọ go kẹle Ọghẹnẹ evaọ olẹ. (Ahwo Filipai 4:6, 7) Wuhrẹ Ẹme riẹ kẹdẹ kẹdẹ. (Olezi 1:1-3) Dadamu ukoko na kpekpekpe. (Ahwo Hibru 13:17) Who te ru eware enana kpobi, who ti wo ẹgba nọ who re ro kru ẹrọwọ ra ga kẹ Ọghẹnẹ. Rri te ebẹdẹ bẹdẹ whọ vẹ te sae rehọ erei ru eware nọ Ọghẹnẹ ọ gwọlọ mi owhẹ!

[Footnote]