Ẹvẹ Ma rẹ rọ Gaviezọ kẹ Ọghẹnẹ?

Ẹkwoma Ebaibol na Ọghẹnẹ ọ be rọ ta ẹme kẹ omai. 2 Timoti 3:16

Ọghẹnẹ uzẹme na ọ kpọ ezae re a kere oware nọ o rrọ iroro riẹ fihọ obe ofuafo jọ. Obe yena họ Ebaibol na. Eware nọ i wuzou gaga nọ Ọghẹnẹ ọ gwọlọ nọ whọ riẹ e rrọ eva riẹ.

Ọghẹnẹ ọ riẹ oware nọ o mai woma kẹ omai, Ọye o wo areghẹ kpobi. Whọ tẹ be gaviezọ kẹe, who ti gine wo areghẹ.—Itẹ 1:5.

Ọghẹnẹ ọ gwọlọ nọ ohwo kpobi evaọ otọakpọ na o se Ebaibol na. A fa Ebaibol na fihọ evẹrẹ buobu no.

Whọ tẹ gwọlọ gaviezọ kẹ Ọghẹnẹ, o gba owhẹ họ nọ who re se Ebaibol na je wo otoriẹ riẹ.

Ahwo a be gaviezọ evaọ oria kpobi. Matiu 28:19

Isẹri Jihova a rẹ sai fiobọhọ kẹ owhẹ wo otoriẹ Ebaibol na.

Wariẹ akpọ na soso họ, a bi wuhrẹ ahwo uzẹme na kpahe Ọghẹnẹ.

A re mi owhẹ ugho fihọ uwuhrẹ nana ha. Whọ rẹ sai je wuhrẹ kpahe Ọghẹnẹ evaọ Ọgwa Uvie Isẹri Jihova nọ ọ rrọ ẹwho ra.