UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • hf abọ 1 ẹwẹ. 3-5
  • Rẹroso Ọghẹnẹ re Who Wo Evawere Evaọ Orọo Ra

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Rẹroso Ọghẹnẹ re Who Wo Evawere Evaọ Orọo Ra
  • Uviuwou Ra O Sai Wo Evawere
  • Izoẹme-Esese
  • Onọ O Wọhọ E Riẹ
  • 1 RU ẸKẸ-ABỌ RA NỌ JIHOVA Ọ KẸ OWHẸ
  • 2 WHA RỌ ẸGWỌLỌ OHWOHWO KARO
  • 3 WHA WO IRORO EVO
  • Rọ Adhẹẹ Yerikugbe Ọrivẹ-Orọo Ra
    Uwou-Eroro Na Nọ U Bi Whowho Uvie Jihova—2011
  • Wha Talamu Ohwohwo
    Uviuwou Ra O Sai Wo Evawere
  • Nọ A te Ru Ehaa Orọo na No
    Ru Eware nọ Ọghẹnẹ O re ro You Owhẹ
  • Orọo Yọ Okẹ nọ U No Obọ Ọghẹnẹ Ze
    Ru Eware nọ Ọghẹnẹ O re ro You Owhẹ
Ruẹ Efa
Uviuwou Ra O Sai Wo Evawere
hf abọ 1 ẹwẹ. 3-5
Ọzae avọ aye evaọ ẹdẹ ehaa-orọo rai

ABỌ 1

Rẹroso Ọghẹnẹ re Who Wo Evawere Evaọ Orọo Ra

“Ọnọ ọ ma rai no emuhọ ze ọ ma rai ọzae avọ aye.”​—Matiu 19:4

Jihovaa Ọghẹnẹ họ ọnọ ọ to orọo họ. Ebaibol na ọ ta nọ ọye ọ ma aye ọsosuọ na ọ tẹ “rehọ iẹe se ọzae na.” Eva e were Adamu te epanọ ọ rọ ta nọ: “Enẹna, ọnana họ onwa enwa mẹ, gbe uwo uwo-oma mẹ.” (Emuhọ 2:22, 23) Jihova ọ gwọlọ nọ ahwo nọ a rọo no a re wo evawere nẹnẹ re.

Nọ whọ tẹ rọo obọ, whọ rẹ sai roro nọ eware kpobi e te riẹ nya. Rekọ uzẹme na họ, makọ ọzae avọ aye nọ a you ohwohwo gaga a rẹ sai wo ẹbẹbẹ ẹsejọ. (1 Ahwo Kọrint 7:28) Whọ te jọ ibroshọ nana ruẹ ehrẹ Ebaibol nọ e rẹ sai fiobọhọ kẹ owhẹ wo evawere evaọ uviuwou ra otẹrọnọ who fi rai họ iruo.—Olezi 19:8-11.

1 RU ẸKẸ-ABỌ RA NỌ JIHOVA Ọ KẸ OWHẸ

OWARE NỌ EBAIBOL NA Ọ TA: Ọzae họ ọnọ o wuzou uviuwou.—Ahwo Ẹfisọs 5:23.

Otẹrọnọ whẹ yọ ọzae nọ ọ rọo no, Jihova ọ gwọlọ nọ whọ rẹrote aye ra ziezi. (1 Pita 3:7) Ọ ma aye na re ọ jọ ofiobọhọ kẹ owhẹ, yọ ọ gwọlọ nọ who you rie jẹ kẹe ọghọ. (Emuhọ 2:18) Ọ gwọlọ nọ who re you aye ra te epanọ whọ rẹ rọ rehọ ẹgwọlọ riẹ karo.—Ahwo Ẹfisọs 5:25-29.

Otẹrọnọ whẹ yọ aye uwou-orọo, Jihova ọ gwọlọ nọ whọ rẹ kẹ ọzae ra adhẹẹ odidi je fiobọhọ kẹe re ọ sai ru ẹkẹ-abọ riẹ evaọ uviuwou na. (1 Ahwo Kọrint 11:3; Ahwo Ẹfisọs 5:33) Rọwo kugbe iroro nọ ọ be jẹ re whọ jẹ romakpotọ kẹe. (Ahwo Kọlọsi 3:18) Who te ru ere, whọ te jọ ghaghae kẹ ọzae ra gbe Jihova.—1 Pita 3:1-6.

OWARE NỌ WHỌ RẸ SAI RU:

  • Nọ aye hayo ọzae ra kpahe epanọ whọ sae rọ jọ emamọ ọzae hayo aye vi epaọ anwẹdẹ. Gaviezọ ziezi kẹ ẹme nọ ọ te ta, re whọ jẹ daoma ru lele ẹme nọ ọ ta na

  • Wo ithihakọ. Re wha ru ohwohwo eva were orọnọ oware asohẹrioke he

2 WHA RỌ ẸGWỌLỌ OHWOHWO KARO

OWARE NỌ EBAIBOL NA Ọ TA: U fo nọ whọ rẹ rọ ẹgwọlọ ọrivẹ ra karo ẹsikpobi. (Ahwo Filipai 2:3, 4) Tete ọrivẹ ra, kareghẹhọ nọ Jihova ọ gwọlọ nọ idibo riẹ a rẹ jọ “wolẹ kugbe ahwo kpobi.” (2 Timoti 2:24) “Eme izuehọ ahwo jọ i re duwẹ wọhọ ọgbọdọ, rekọ ẹrọo ohwo owareghẹ ọ rẹ wha usiwo tha.” Fikiere, rorote re whọ tẹ te ta ẹme. (Itẹ 12:18) Jihova ọ te rọ ẹzi riẹ fiobọhọ kẹ owhẹ ta ẹme wowolẹ avọ uyoyou.—Ahwo Galesha 5:22, 23; Ahwo Kọlọsi 4:6.

OWARE NỌ WHỌ RẸ SAI RU:

  • Lẹ se Jihova re o fiobọhọ kẹ owhẹ rọ udu kpotọ jẹ gaviezọ kẹ ọrivẹ ra nọ wha tẹ be jiroro jọ nọ i wuzou gaga

  • Romatotọ roro kpahe ẹme nọ whọ te ta gbe oghẹrẹ nọ who ti fi ẹme na họ

3 WHA WO IRORO EVO

OWARE NỌ EBAIBOL NA Ọ TA: Nọ ọzae avọ aye a tẹ rọo no, yọ a zihe ruọ “uwo ovo” no. (Matiu 19:5) Ghele na, wha wo ohẹriẹ no ohwohwo yọ wha sai wo ọvuọ iroro riẹ ẹsejọ. Fikiere, o gwọlọ nọ wha re wuhrẹ epanọ wha re ro wo eva evo gbe iroro evo. (Ahwo Filipai 2:2) U fo nọ wha re wo iroro evo nọ wha tẹ be jiroro jọ. Ebaibol na ọ ta nọ: “Ekiroro e rẹ ma oma oware tha.” (Itẹ 20:18) Jọ ehrẹ nọ e rrọ Ebaibol na e kpọ owhai nọ wha tẹ be jiroro.—Itẹ 8:32, 33.

Ọzae avọ aye nọ a be fọrọ iwu jẹ wozẹ imidhe kugbe

OWARE NỌ WHỌ RẸ SAI RU:

  • Hae ta eva kẹ ọrivẹ ra, orọnikọ thakpinọ wha gbiku ọvo ho

  • Re who te ti lele omọfa jọ ta ẹme mu, daoma vuẹ ọzae hayo aye ra tao

a Ebaibol na ọ ta nọ Jihova họ odẹ Ọghẹnẹ.

KPỌ IRORO RA VI JE RẸRO NỌ EWARE I TI WOMA

Who du rẹro nọ whai imava na wha ti ru eware kpobi gbagba ha. (Olezi 103:14; Jemis 3:2) Tẹrovi abọ nọ ọrivẹ ra ọ be jọ riẹ ru. Jọ u mu owhẹ ẹro nọ ehrẹ Ebaibol i ti fiobọhọ kẹ owhẹ, who ve je thihakọ. (2 Timoti 3:16) Jihova ọ te ghale owhẹ nọ whọ be daoma ru lele ehrẹ riẹ na, evawere nọ who ti wo evaọ orọo ra u ve ti vihọ.—Ahwo Galesha 6:9.

NỌ OMARA NỌ . . .

  • Kọ ọzae hayo aye mẹ ọ sae ginẹ ta nọ mẹ rọ ẹgwọlọ riẹ karo?

  • Eme me ru nẹnẹ na nọ u dhesẹ nọ me gine wo adhẹẹ gbe uyoyou kẹe?

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa