UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • lfb uwuhrẹ 42 ẹwẹ. 102-ẹwẹ. 103 edhe. 3
  • Jonatan Ọ Gudu jẹ Talamu Devidi

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Jonatan Ọ Gudu jẹ Talamu Devidi
  • Eware nọ Whọ rẹ Sai Wuhrẹ Evaọ Ebaibol Na
  • Onọ O Wọhọ E Riẹ
  • A “Zihe Ruọ Egbẹnyusu Ekpekpe”
    Rọ Aro Kele Ẹrọwọ Rai
  • ‘ỌNOWO Ọ rẹ Se Ahwo Ba Esiwo Ho’
    Rọ Aro Kele Ẹrọwọ Rai
  • Talamu Usu Ra Kugbe Jihova
    Uwou-Eroro Na Nọ U Bi Whowho Uvie Jihova (Uwuhrẹ)—2016
  • Gbẹ Hai Dhesẹ Uyoyou-Inievo
    Uwou-Eroro Na Nọ U Bi Whowho Uvie Jihova (Uwuhrẹ)—2021
Ruẹ Efa
Eware nọ Whọ rẹ Sai Wuhrẹ Evaọ Ebaibol Na
lfb uwuhrẹ 42 ẹwẹ. 102-ẹwẹ. 103 edhe. 3
Jonatan avọ ohwo nọ ọ rẹ wha eware ẹmo riẹ

UWUHRẸ AVỌ 42

Jonatan Ọ Gudu jẹ Talamu Devidi

Ọmọ ọkpako Sọl ovie na nọ a re se Jonatan, ọ jọ ọgbaẹmo nọ ọ gudu. Devidi dede ọ ta nọ Jonatan ọ vẹrẹ vi ọmọvra nọ a re se ugo, jẹ ga vi okpohrokpo. Evaọ ẹdẹ jọ, Jonatan ọ tẹ ruẹ isoja ahwo Filistia udhe (20) evaọ ehru ugbehru jọ. Ọ tẹ ta kẹ ohwo nọ ọ rẹ wha eware ẹmo riẹ nọ: ‘Re ma te lele isoja na họre, Ọghẹnẹ ọ rẹ kẹ omai oka jọ tao. Otẹrọnọ ahwo Filistia na a tẹ ta kẹ omai nọ ma nya bru ai ze, ma vẹ riẹ nọ oke nọ ma re ro lele ai họre u te no.’ Kẹsena ahwo Filistia na a te bo nọ: ‘Wha nyaze ma họre!’ Jonatan avọ ohwo nọ ọ rẹ wha eware ẹmo riẹ, a tẹ gadiẹ kpobọ ehru ugbehru na je kpe isoja ahwo Filistia na.

Jonatan nọ ọ be rọ eware riẹ jọ kẹ Devidi

Nọ orọnọ Jonatan họ ọmọ ọkpako Sọl na, ọye ọ hae jọ ovie nọ Sọl o te whu no. Rekọ Jonatan ọ riẹ nọ Jihova ọ salọ Devidi no re ọ jọ ovie Izrẹl nọ u te no Sọl no, ghele na ọ re Devidi ihri hi. Jonatan avọ Devidi a te zihe ruọ egbẹnyusu ekpekpe. A tubẹ ya eyaa nọ a te thọ ohwohwo je fiobọhọ kẹ ohwohwo. Jonatan ọ tẹ rehọ ewu ẹmo, ọgbọdọ, uze, gbe umueku riẹ kẹ Devidi, re e jọ oka usu nọ aimava a wo kugbe ohwohwo.

Okenọ Sọl o je ro le Devidi na, Jonatan ọ tẹ nyabru Devidi jẹ ta kẹe nọ: ‘Kru oma ga, je wo udu. Jihova ọ salọ owhẹ no re whọ jọ ovie. Makọ ọsẹ mẹ dede ọ riẹ ere.’ Kọ whọ gwọlọ wo emamọ ogbẹnyusu wọhọ Jonatan?

Jonatan o tube fi uzuazọ riẹ họ ọza unuẹse buobu re ọ sai fiobọhọ kẹ Devidi ogbẹnyusu riẹ. Jonatan ọ riẹ nọ Sọl ọsẹ riẹ ọ gwọlọ kpe Devidi no, fikiere ọ tẹ ta kẹ ọsẹ riẹ nọ: ‘Who te kpe Devidi yọ whọ raha uzi, keme o ru oware ovo thọ họ.’ Eva Jonatan e tẹ dha Sọl gaga. Nọ ikpe jọ e vrẹ no, Sọl avọ Jonatan a te whu evaọ ẹmo.

Nọ Jonatan o whu no, Devidi ọ tẹ nyae gwọlọ ọmọ Jonatan nọ a re se Mẹfiboshẹt. Nọ Devidi ọ ruẹ Mẹfiboshẹt, ọ tẹ ta kẹe nọ: ‘Fikinọ ọsẹ ra ọ jọ emamọ ogbẹnyusu mẹ, mẹ te rẹrote owhẹ bẹsenọ who re whu. Ighẹ mẹ whọ te rria, yọ evaọ emẹjẹ mẹ whọ te jọ re emu.’ Jonatan ọ thọrọ Devidi ẹro vievie he.

“Wha you ohwohwo wọhọ epanọ me you owhai na. Ohwo ọvo o wo uyoyou nọ o rro vi onana ha, inọ ohwo jọ o re siobọno uzuazọ riẹ fiki egbẹnyusu riẹ.”—Jọn 15:12, 13

Enọ: Ẹvẹ Jonatan o ro dhesẹ nọ ọ gudu? Ẹvẹ Jonatan o ro dhesẹ nọ ọ talamu Devidi?

1 Samuẹle 14:1-23; 18:1-4; 19:1-6; 20:32-42; 23:16-18; 31:1-7; 2 Samuẹle 1:23; 9:1-13

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa