Eme Emuhọ Abọ avọ 3

Nọ Owhe na o ku vrẹ no, Ebaibol na ọ fodẹ edẹ umutho ahwo jọ nọ a gọ Jihova. Ohwo jọ evaọ usu rai họ Abraham, ọnọ a se ogbẹnyusu Jihova. Fikieme a ro sei ogbẹnyusu Jihova? Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ nọ Jihova o you rie, yọ ọ gwọlọ fiobọhọ kẹe. Wọhọ Abraham avọ ezae ẹrọwọ efa wọhọ Lọt avọ Jekọp, ma sae lẹ se Jihova re o fiobọhọ kẹ omai. U mu omai ẹro ziezi inọ Jihova o ti ru eyaa kpobi nọ ọ ya gba.